ગુજરાતમાં રાજ્યસભાના સાંસદો ‘કંજૂસ’, રૂ.208 કરોડની ગ્રાન્ટ મળી પણ 52 કરોડ જ ખર્ચ્યા | Gujarat Rajya Sabha MPs Use Only Rs 52 Crore of Rs 208 Crore MPLADS Funds

MPLADS Fund: ગુજરાતમાંથી રાજ્યસભાના ચાર સાંસદોની ટર્મ જૂન મહિનામાં પૂરી થવા જઈ રહી છે. મેમ્બર્સ ઓફ પાર્લામેન્ટ લોકલ એરિયા ડેવલપમેન્ટ સ્કીમ (MPLADS) હેઠળ સાંસદને પોતાના રાજ્યમાં વિકાસના કામો માટે દર વર્ષે અંદાજે 5 કરોડ રૂપિયા સુધીની ભલામણ કરવાની સત્તા મળે છે. ગુજરાતમાંથી રાજ્યસભાના 11 સાંસદોએ કુલ 208.15 કરોડ રૂપિયાની ગ્રાન્ટમાંથી 52.1 કરોડ રૂપિયાની ગ્રાન્ટનો ઉપયોગ કર્યો છે.

11માંથી માત્ર 3 સાંસદોએ 40 ટકાથી વધુ રકમનો ખર્ચ કર્યો

Also Read

પોલીસ સાથે પંચનામું કરવા ગયેલા 2 ભાઈ પર 5 શખ્સનો પથ્થરમારો | 5 men pelt stones at 2 brothers who went to do a panchnama with the police

મેમ્બર્સ ઓફ પાર્લામેન્ટ લોકલ એરિયા ડેવલપમેન્ટ સ્કીમની રકમ સીધી સાંસદના ખાતામાં આવતી નથી. પરંતુ જિલ્લા કલેક્ટર-જિલ્લા તંત્ર દ્વારા આ કામ થાય છે. આ ગ્રાન્ટનો ઉપયોગ સામાન્ય રીતે રોડ, સ્કૂલ, હોસ્પિટલ, પાણીની સુવિધા, કોમ્યુનિટી હોલ, લાઈટિંગ માટે થતો હોય છે. ગુજરાતમાંથી રમીલાબેન બારાએ તેમને મળેલી કુલ ગ્રાન્ટ 19.60 કરોડ રૂપિયામાંથી સૌથી વધુ રૂપિયા 15.38 કરોડ રૂપિયા એટલે કે 78.5 ટકા રૂપિયા રકમનો ઉપયોગ કર્યો છે.

Also Read

રાજકોટ જિલ્લામાં કાળઝાળ ઉનાળાની આકરી ગરમીથી 927 પશુઓ બીમાર | 927 animals fall ill due to the scorching summer heat in Rajkot district

આ પછી ટકાવારીની રીતે ગ્રાન્ટનો સૌથી વધુ ઉપયોગ કરવામાં બાબુભાઈ જે. દેસાઈ 44.40 ટકા સાથે બીજા, નરહરિ અમીન 41.10 ટકા સાથે ત્રીજા, શક્તિસિંહ ગોહિલ 32.60 ટકા સાથે ચોથા અને રામભાઈ મોકરિયા 26.20 ટકા સાથે પાંચમાં સ્થાને છે. આ ઉપરાંત જશવંતસિંહ પરમારે 18.20 ટકા, એસ. જયશંકર 13.20 ટકા, ગોવિંદભાઈ ધોળકિયાએ 12.80 ટકા, મયંક નાયકે 9.10 ટકા, કેસરીદેવસિંહ ઝાલાએ 7.10 ટકા ગ્રાન્ટનો ઉપયોગ કર્યો છે. કેન્દ્રીય મંત્રી જગતપ્રકાશ નડ્ડાને 14.70 કરોડ રૂપિયાની ગ્રાન્ટ મળી છે અને તેમાંથી તેમણે હજી સુધી એકપણ રકમ ખર્ચી નથી.

એમપીલેડ્સ ફંડનો મુખ્યત્ત્વે જાહેર વિકાસના કામોમાં ઉપયોગ થયો છે. મુખ્ય કામના પ્રકારમાં ગ્રામ્ય-શહેરી રસ્તા, શાળા રૂમ-લેબ, આરોગ્ય કેન્દ્ર-હોસ્પિટલો, પાણીની ટાંકી-પાઈપલાઈન, સ્ટ્રીટ લાઈટ, સમુદાય ભવન, સ્મશાન-કબ્રસ્તાન સુવિધા, સોલાર લાઈટ, રમતની સુવિધાનો સમાવેશ થાય છે.

આ પણ વાંચો: અમદાવાદમાં 18 વર્ષીય યુવતીને ગાડીમાં ઉઠાવી જઇને સામૂહિક દુષ્કર્મની ઘટનાથી ચકચાર

રાજ્યસભાના સાંસદોને મળતાં ફંડની પ્રક્રિયા

•દર વર્ષે વિકાસ કામ માટે પાંચ કરોડ સુધીની ભલામણ કરવાની સત્તા મળે છે.

•સાંસદ રોડ, સ્કૂલ રૂમ, હોસ્પિટલ સાધનો, પાણીની ટાંકી, સ્ટ્રીટ લાઈટ, કોમ્યુનિટી હોલ જેવા કામ સૂચવે છે.

•કામ નિયમ મુજબ છે કે નહીં તે જિલ્લા કલેક્ટર દ્વારા ચકાસાય છે. ટેકનિકલ એસ્ટિમેટ બનાવાય છે.

•એજન્સી નક્કી થાય છે.

•ફંડ રીલીઝ કરાય છે.

•કામ પૂરું થયા પછી ઓડિટ કરાય છે.

ફંડનો ઉપયોગ ક્યારેક નહીં થઈ શકવાના કારણો

•પ્રોજેક્ટ મંજૂરીમાં વિલંબ.

•ટેન્ડર પ્રક્રિયા.

•ઓડિટ સમસ્યા.

•રાજકીય/વહીવટી વિલંબ.

જૂનમાં કયા સાંસદની ટર્મ પૂરી થશે?

શક્તિસિંહ ગોહિલ, નરહરિ અમીન, રામભાઈ મોકરિયા, રમીલાબેન બારા.