વડોદરા જિલ્લા પંચાયતની પહેલી મીટિંગ મળી, આજે 8 તાલુકા પંચાયતના પ્રમુખના નામો જાહેર થશે | president of 8 taluka panchayat declared today

વડોદરાઃ વડોદરા જિલ્લા પંચાયતની આજે પહેલી મીટિંગમાં પ્રમુખ- ઉપપ્રમુખને બિનહરીફ ચૂંટાયેલા જાહેર કરવામાં આવ્યા હતા. આવતીકાલે આઠ તાલુકા પંચાયતના પ્રમુખ સહિતના હોદ્દેદારો જાહેર કરાશે.

વડોદરા જિલ્લા પંચાયતમાં પ્રમુખ પદની પ્રથમ અઢી વર્ષની ટર્મ મહિલા ઓબીસી માટે અનામત હોવાથી કરજણની ચોરંદા બેઠક પરથી બિનહરીફ ચૂંટાયેલા સદસ્યને પ્રમુખ તરીકે જાહેર કરવામાં આવ્યા હતા.જ્યારે, ઉપપ્રમુખ પદ સયાજીપુરાના સદસ્યને ફાળવવામાં આવ્યું હતું.

Also Read

સુરતમાં સુપ્રીમ કોર્ટના આદેશના ધજાગરા? પાલનપોર લેક ગાર્ડનમાં 25થી વધુ શ્વાનનો જમાવડો, ‘ડૉગ ફ્રી ઝોન’ બનાવવા માગ | stray dog menace In Garden and many area of surat

ગઇકાલે ચૂંટણી પ્રક્રિયાના ભાગરૃપે ફોર્મ ભરવામાં આવ્યા બાદ આજે જિલ્લા પંચાયતના સભાગૃહમાં કલેક્ટરના અધ્યક્ષ પદે યોજાયેલી પહેલી મીટિંગમાં બંને હોદ્દેદારને બિનહરીફ જાહેર કરવામાં આવ્યા હતા.ચૂંટણીની ઔપચારિકતા પૂર્ણ થયા બાદ પંચાયતના પ્રાંગણમાં ડીજે સાથે કાર્યકરોએ ઉજવણી કરી હતી.

Also Read

બહુમતી ભાજપની છતાં કોંગ્રેસ બિનહરીફ વિજેતા! આણંદ જિલ્લા પંચાયતમાં ભાજપના મોમાંથી કોળિયો છીનવાયો, જાણો ચોંકાવનારું કારણ | Anand District Panchayat President election Update Congress BJP candidate

હવે જિલ્લાની આઠ તાલુકા પંચાયતના પ્રમુખ-ઉપપ્રમુખ સહિતના હોદ્દેદારોની નિયુક્તિ બાકી હોવાથી આવતીકાલે તમામ પંચાયતોના પ્રમુખ-ઉપપ્રમુખના મેન્ડેટ આપી નામ જાહેર કરવામાં આવશે અને પછી તેમના ફોર્મ ભરાવવામાં આવશે.ત્યારપછી તા.૨૫મીએ ઔપચારિકતા પૂરતી ચૂંટણી યોજાશે.