મેમાં ઈક્વિટી કેશ સેગમેન્ટમાં કામકાજમાં વધારો જ્યારે ડેરિવેટિવ્સમાં સ્થિરતા | Equity cash segment activity increased in May while derivatives remained stable

મુંબઈ : સમાપ્ત થયેલા મેમાં દેશના શેરબજારોમાં ઈક્વિટી કેશ સેગમેન્ટમાં વેપાર પ્રવૃત્તિ વધી ૨૨ મહિનાની ટોચે રહી છે જ્યારે ડેરિવેટિવ્સમાં સ્થિતિ લગભગ સમાન રહી છે, એમ પ્રાપ્ત ડેટા પરથી જણાય છે.

મિડકેપ તથા સ્મોલકેપ સ્ટોકસની કામગીરી સારી રહેવાને પરિણામે કેશ સેગમેન્ટમાં કામકાજમાં વધારો થયો છે જ્યારે નિયમનકારી અંકૂશોને પગલે ડેરિવેટિવ્સમાં કામકાજ પર અસર પડી હોવાનું બજારના વર્તુળોએ જણાવ્યું હતું.

Also Read

અમેરિકા ભારતનું LNG તથા LPGનું મુખ્ય સપ્લાયર | America is India’s main supplier of LNG and LPG

એનએસઈ તથા બીએસઈ પર કેશ સેગમેન્ટમાં સંયુકત સરેરાશ દૈનિક ટર્નઓવર એપ્રિલની સરખામણીએ મેમાં ૫.૭૦ ટકા વધી રૂપિયા ૧.૫૨ ટ્રિલિયન રહ્યું હતું જે ૨૦૨૪ના જૂન બાદ સૌથી વધુ છે. બીજી બાજુ ડેરિવેટિવ્સ સેગમેન્ટમાં રૂપિયા ૪૮૫.૯૦ ટ્રિલિયન સાથે લગભગ સ્થિર રહ્યું છે.

Also Read

ગુજરાતથી મહારાષ્ટ્ર જતો પરિવાર કાળનો કોળિયો બન્યો, અમલનેર-ધુલે રોડ પર ત્રિપલ અકસ્માતમાં કુલ 6ના મોત | Gujarati Family Among Six Dead in Triple Collision on Maharashtra Highway

૧લી એપ્રિલથી સિક્યુરિટીઝ ટ્રાન્ઝકશન ટેકસ (એસટીટી)માં વધારો લાગુ થવાને પરિણામે ડેરિવેટિવ્સના ટર્નઓવર હાલમાં સ્થિર જોવા મળી રહ્યું છે.

૧લી એપ્રિલથી ફ્યુચર્સના વેપાર પર એસટીટી ૦.૦૨ ટકા પરથી વધારી ૦.૦૫ ટકા કરાયો છે. જ્યારે ઓપ્શનમાં આ આંક ૦.૧૦ ટકાથી પરથી વધારી ૦.૧૫ ટકા કરાયો છે. 

એસટીટીમાં વધારા ઉપરાંત રિઝર્વ ેબેન્ક દ્વારા બ્રોકરો માટે ફન્ડિંગના ધોરણોને સખત બનાવવાની હિલચાલને કારણે પણ વેપાર પ્રવૃત્તિ પર અસર પડી હોવાનું બજારના વર્તુળોએ જણાવ્યું હતું. વિદેશી સંસ્થાકીય રોકાણકારો ભારતીય બજારમાંથી પીછેહઠ કરી રહ્યા છે, તેને કારણે પણ ડેરિવેટિવ્સના કામકાજમાં પ્રમાણમાં નિરસતા જોવા મળી રહી છે.