અમદાવાદ-વડોદરા એક્સપ્રેસ વે પર બોલેરો-વાન વચ્ચે ગોઝારો અકસ્માત : બંને વાહનો સળગ્યા, વાન ડ્રાઇવર ભડથું | Fatal accident between Bolero and van on Ahmedabad Vadodara Expressway

Vadodara Accident : અમદાવાદ વડોદરા એક્સપ્રેસ વે ઉપર આજે બપોરે બોલેરો કાર અને વાન વચ્ચે થયેલા ગોઝારા અકસ્માતમાં વાનનો ડ્રાઇવર ભડથું થઈ ગયો હતો.

અમદાવાદ વડોદરા એક્સપ્રેસવે ઉપર વડોદરા ટોલનાકા પછી દિલ્હી મુંબઈ એક્સપ્રેસ વે ઉપર ચડવાના રસ્તા ઉપર બપોરે 12 વાગ્યાના અરસામાં બોલેરો ગાડી અને વાન વચ્ચે અકસ્માત થતા બંને વાહન સળગ્યા હતા.

Also Read

વિદ્યાર્થી માટેનો ડિજિટલ આઈ.ડી. ‘અપાર’ માટે તા.30 જૂન છેલ્લી તારીખ : શાળાઓને તાકીદ | Last date for digital ID ‘Apar’ for students is 30th June

અકસ્માત એટલો ભયાનક હતો કે વાનની અંદર ફસાયેલો ડ્રાઇવર આખો ભડથું થઈ ગયો હતો. જ્યારે બોલેરો અને વાનની અંદર કેટલા લોકો સવાર હતા અને એ લોકો ક્યાં ગયા તેની તપાસ માટે ભાદરવા પોલીસ કામે લાગી છે. 

Also Read

જયપુરમાં મોટી દુર્ઘટના ! ઘરમાં ચાલતી ફટાકડાની ફેક્ટરીમાં ભીષણ આગ, 3 લોકોના મોત | Jaipur Fire Tragedy: 3 Killed 5 Injured in Illegal Firecracker Factory Blast Inside Home

વાનમાં ભડથું થયેલા ડ્રાઇવર ની ઓળખ થાય તેમ નહીં હોવાથી વાનના નંબરને આધારે પોલીસ દ્વારા તેની ઓળખ કરવાના પ્રયાસો કરવામાં આવી રહ્યા છે. આ ઉપરાંત સિવિલ હોસ્પિટલ સહિતની હોસ્પિટલોમાં ઈજાગ્રસ્તોની તપાસ પણ કરવામાં આવી રહી છે. 

વડોદરા ફાયર બ્રિગેડના ઇમરજન્સી રિસ્પોન્સ સેન્ટરના સૈનિક નરવતભાઈ પગીએ કહ્યું હતું કે બંને વાહનોની આગ કાબુમાં લેવા માટે અમારી ટીમોને ભારે જહેમત ઉઠાવવી પડી હતી. વાનમાં સિલિન્ડર બ્લાસ્ટ થયો હોવાની પણ આ શંકા જણાઈ રહી છે. જે ચોક્કસપણે કહી ના શકાય અને પોલીસ તપાસનો વિષય છે.