ભારતમાં સૌથી મોટું જોખમ શું? રિપોર્ટમાં ખુલાસો, 83% ભારતીય દર્દીઓ માટે સંકટ

ભારત “સુપરબગ વિસ્ફોટ”ના કેન્દ્રમાં છે અને તેના માટે તાત્કાલિક નીતિ પરિવર્તન અને એન્ટીબાયોટિક મેનેજમેન્ટ પર રાષ્ટ્રીય સ્તરે આંદોલનની જરૂર છે. આ પરિણામો 18 નવેમ્બરથી 25 નવેમ્બર સુધી મનાવવામાં આવતા એન્ટીમાઇક્રોબિયલ સ્ટીવર્ડશિપ વીકના અવસર પર જાહેર કરવામાં આવ્યા હતાં. અભ્યાસમાં 4 દેશોના 1,200થી વધુ દર્દીઓનું વિશ્લેષણ કરવામાં આવ્યું. જેમાં જાણવા મળ્યું કે, સામાન્ય એન્ડોસ્કોપિક પ્રોસિજર કરાવનારા ભારતીય દર્દીઓમાં MDROની હાજરી અન્ય દેશોની તુલનામાં ઘણી વધારે હતી.

• એન્ટીબાયોટિક દવાઓ અસરકારક નથી રહી

ભારતમાં 83% દર્દીઓમાં MDRO જોવા મળ્યું, જ્યારે ઈટલીમાં 31.5%, યુનાઇટેડ સ્ટેટ્સમાં 20.1% અને નેધરલેન્ડમાં માત્ર 10.8% દર્દીઓમાં MDRO જોવા મળ્યું, એટલે કે હવે એટલા મોટા પ્રમાણમાં લોકોને સામાન્ય એન્ટીબાયોટિક દવાઓ કારગર સાબિત નહીં થાય. જ્યારે 80%થી વધુ દર્દીઓ પહેલાથી જ દવા-પ્રતિરોધક બેક્ટેરિયા લઈ રહ્યાં છે, ત્યારે તેનો અર્થ એ છે કે જોખમ હવે હોસ્પિટલ પૂરતું નથી. તે આપણા સમુદાયો, પર્યાવરણ અને દૈનિક જીવન સુધી ફેલાઈ ગયું છે.

આ આદતો જોખમ વધારી રહી છે

• એન્ટીબાયોટિક દવાઓનો દુરુપયોગ
• ડૉક્ટરની પરચા વગર દવાઓની સરળ ઉપલબ્ધિ
• અધૂરું સારવાર-ચક્ર
• પોતાની મરજીથી દવાઓ લેવો

એન્ટીબાયોટિક દવાઓ અસરકારક ન રહેવાને કારણે હોસ્પિટલોએ વધુ શક્તિશાળી દવાઓનો ઉપયોગ કરવો પડે છે, જે તરત અસરકારક ન હોવાના કારણે કેસ વધુ ગંભીર બની શકે છે અને સારવાર પણ મોંઘી પડે છે.