દિલ્હી મ્યુનિસિપલ કોર્પોરેશન (MCD)ની સ્થાયી સમિતિની ચૂંટણી આજે (26 સપ્ટેમ્બર) યોજાવાની હતી. પરંતુ ચૂંટણી મુલતવી રાખવામાં આવી હતી અને ગૃહની બેઠક 5 ઓક્ટોબર સુધી સ્થગિત કરવામાં આવી હતી. પરંતુ LG વીકે સક્સેનાએ આજની ચૂંટણીમાં હસ્તક્ષેપ કરીને સ્ટેન્ડિંગ કમિટીની ચૂંટણી આજે જ યોજવાનો નિર્દેશ આપ્યો હતો. MCD કમિશનર અશ્વિની કુમારે આજની ચૂંટણીને લઈને LGને પત્ર લખ્યો છે.
આમ આદમી પાર્ટી આ મામલે કાયદાકીય અભિપ્રાય લઈ રહી છે. LG હાઉસના સૂત્રોના જણાવ્યા અનુસાર આજે જ સ્થાયી સમિતિના સભ્યોની ચૂંટણી યોજાશે. આ અંગે કમિશનરને સૂચના આપવામાં આવી છે.
મનીષ સિસોદિયાએ મોડી રાત્રે પ્રેસ કોન્ફરન્સ યોજી
આ મામલે દિલ્હીના પૂર્વ ડેપ્યુટી સીએમ અને AAP નેતા મનીષ સિસોદિયાએ મોડી રાત્રે પ્રેસ કોન્ફરન્સ યોજી હતી. તેમણે કહ્યું કે, ભાજપ દિલ્હી મ્યુનિસિપલ કોર્પોરેશનમાં લોકશાહીની હત્યા કરી રહી છે. સ્થાયી સમિતિની ચૂંટણીમાં લોકશાહીની હત્યા થઈ રહી છે. મેયરે સ્ટેન્ડિંગ કમિટીની ચૂંટણી 5 ઓક્ટોબર સુધી મુલતવી રાખી હતી, પરંતુ લેફ્ટનન્ટ ગવર્નરે આજે રાત્રે જ સ્ટેન્ડિંગ કમિટીની ચૂંટણી કરવાનો આદેશ આપ્યો છે તેવો સવાલ કર્યો છે કે, શું કોઈ સમસ્યા છે કે ચૂંટણી રાત્રે જ કરવાનો આદેશ આપવામાં આવ્યો છે?
માત્ર ભાજપના કાઉન્સિલરો જ હાજર
સિસોદિયાએ કહ્યું કે, તમામ કાઉન્સિલરો પોત પોતાના ઘરે ગયા છે. AAP કાઉન્સિલરો ગૃહ છોડી ગયા છે, કોંગ્રેસના કાઉન્સિલરો ચાલ્યા ગયા છે. માત્ર ભાજપના કાઉન્સિલરો જ હાજર છે. આ બંધારણ અને લોકશાહીની હત્યા છે.
કાઉન્સિલરોની તપાસ કરવા મુદ્દે થયો હતો હોબાળો
નોંધનીય છે કે, આજે કાઉન્સિલરોની તપાસ કરવા મુદ્દે થયેલા હોબાળા વચ્ચે દિલ્હી મ્યુનિસિપલ કોર્પોરેશન (MCD) ગૃહની કાર્યવાહી થોડા સમય માટે સ્થગિત કરી દેવામાં આવી હતી, તેની તપાસ કરવામાં આવી રહી હતી કે કોઈ પાસે મોબાઈલ ફોન છે કે કેમ. મેયર શેલી ઓબેરોયે ગૃહમાં પ્રવેશતાની સાથે જ કાઉન્સિલરોની સુરક્ષા તપાસ અંગે ચિંતા વ્યક્ત કરી હતી અને દાવો કર્યો હતો કે આવું પહેલીવાર થઈ રહ્યું છે. તેમણે કહ્યું કે આ અલોકતાંત્રિક અને ગૃહના સભ્યો માટે અપમાનજનક છે.
મેયરે શું કહ્યું?
મેયર ઓબેરોયે કહ્યું કે, જે રીતે જાહેરમાં સર્ચ કરવામાં આવી રહ્યું છે તે અલોકતાંત્રિક અને કાઉન્સિલરો માટે અપમાનજનક છે. હું ગૃહને 15 મિનિટ માટે સ્થગિત કરી રહ્યી છું અને MCD કમિશનરને આદેશ આપી રહ્યી છું કે, કાઉન્સિલરોને કોઈપણ જાતની ચકાસણી કર્યા વિના અંદર પ્રવેશવા દેવા.
ઈતિહાસમાં આ યાદ રહેશે
મેયરે કહ્યું કે, તે ચૂંટણી યોજવા માંગે છે, પરંતુ તપાસના કારણે માહોલ ખરાબ થઈ ગયો હતો. ઈતિહાસમાં આ યાદ રહેશે. જે રીતે અધિકારીઓ પર દબાણ કરવામાં આવ્યું અને તેઓએ મારા આદેશનું પાલન ન કર્યું, હું 5 ઓક્ટોબરે બપોરે 2 વાગ્યા સુધી ગૃહને સ્થગિત કરી રહ્યો છું. આટલું કહીને મેયરે ગૃહ છોડી દીધું હતું. આ દરમિયાન ભાજપના કાઉન્સિલરોએ ‘મેયર હોશમાં આવો’ અને ‘સ્થાયી સમિતિને ચૂંટો’ જેવા સૂત્રોચ્ચાર કરવા લાગ્યા હતા.
Source link
