શું સોનાક્ષીએ ભાઈ લવ સિંહા સાથે તોડ્યા તમામ સબંધો? મળ્યા આ પુરાવા

• સોનાક્ષીએ રક્ષાબંધનમાં તેના ભાઈઓને રાખડી બાંધી ન હતી
  
• સોનાક્ષી સિંહા અને ઝહીર ઈકબાલ લગ્ન બાદ ત્રીજા હનીમૂન માટે અમેરિકા
  
• સોનાક્ષી સિંહા ન તો તેના ભાઈઓ સાથેનો કોઈ ફોટો શેર કર્યો
  

બોલીવુડ અભિનેત્રી સોનાક્ષી સિંહા અને ઝહીર ઈકબાલે આ વર્ષે લગ્ન કર્યા હતા પરંતુ આ લગ્ન બાદ અભિનેત્રી અને તેના બે ભાઈઓ દૂર થઈ ગયા છે. અભિનેત્રીએ લગ્નની પહેલી રક્ષાબંધનમાં પણ તેના ભાઈઓને રાખડી બાંધી ન હતી. આ દરમિયાન લવ સિંહાની એક પોસ્ટ વાયરલ થઈ રહી છે.

શું સોનાક્ષી સિંહાએ ભાઈને રાખડી નથી બાંધી?

સોનાક્ષી સિંહા અને ઝહીર ઈકબાલ લગ્ન બાદ ત્રીજા હનીમૂન માટે અમેરિકા ગયા હતા. અભિનેત્રી સતત તેના હનીમૂનની તસવીરો સોશિયલ મીડિયા પર શેર કરતી રહે છે. જો મીડિયા રિપોર્ટ્સનું માનીએ તો અભિનેત્રીએ આ વખતે તેના ભાઈઓને રાખડી નથી બાંધી.

સોનાક્ષી સિંહા ન તો તેના ભાઈઓ સાથેનો કોઈ ફોટો સોશિયલ મીડિયા પર શેર કર્યો કે ન તો તેમને રક્ષાબંધનની શુભેચ્છા પાઠવી. આનો સ્પષ્ટ અર્થ એ છે કે ભાઈ-બહેનો વચ્ચેની લડાઈ હજુ સમાપ્ત થઈ નથી. આ દરમિયાન લવ સિંહાએ રક્ષાબંધન પર તેની ઇન્સ્ટા સ્ટોરી પર એક પોસ્ટ શેર કરી છે.

સોનાક્ષી અને લવ સિંહાના સબંધોમાં ખટાશ

સોનાક્ષી સિંહાના ભાઈ લવે પોતાની પોસ્ટમાં લોકોને રક્ષાબંધનની શુભેચ્છા પાઠવી છે. પરંતુ તેની બહેન સોનાક્ષીના નામનો તેમાં ક્યાંય ઉલ્લેખ નથી. તેમજ તેણે કોઈ ફોટો પણ શેર કર્યો નથી. ઘણીવાર એવું જોવા મળે છે કે રક્ષાબંધનના અવસર પર સેલિબ્રિટીઓ તેમના ભાઈ-બહેનની તસવીરો શેર કરે છે. પરંતુ લવ સિંહાએ આવું કંઈ કર્યું નથી. જે બાદ ફરી એકવાર સોશ્યિલ મીડિયા પર એવી અટકળો શરૂ થઈ ગઈ છે કે સોનાક્ષી અને લવ સિંહા વચ્ચેના સંબંધોમાં કંઈ જ બરાબર નથી.

તમને જણાવી દઈએ કે આ પહેલા એવા સમાચાર આવ્યા હતા કે સોનાક્ષી સિંહા બીજા ધર્મના વ્યક્તિ સાથે લગ્ન કરી રહી છે અને તેનો પરિવાર ઝહીર સાથેના તેના સંબંધને લઈને નારાજ છે. તેનો પરિવાર ઇચ્છતો ન હતો કે તે મુસ્લિમ ધર્મમાં લગ્ન કરે. આમ છતાં સોનાક્ષીના પરિવારના સભ્યોએ તેના લગ્નમાં હાજરી આપી હતી. પરંતુ આ ખાસ અવસર પર તેનો ભાઈ લવ સિંહા જોવા મળ્યો ન હતો અને ન તો તેણે સોશિયલ મીડિયા પર કપલની કોઈ તસવીર શેર કરી હતી.