SPORTS

Australia માટે માઠા સમાચાર, આ મજબૂત ખેલાડી ચેમ્પિયન્સ ટ્રોફીમાંથી બહાર, જાણો કેમ


ICC ચેમ્પિયન્સ ટ્રોફી 2025 પહેલા ઓસ્ટ્રેલિયાને મોટો ઝટકો લાગ્યો છે. આ ટૂર્નામેન્ટ માટે ઓસ્ટ્રેલિયા દ્વારા પસંદ કરાયેલા 15 ખેલાડીઓમાંથી એક મજબૂત ખેલાડી ચેમ્પિયન્સ ટ્રોફીમાંથી બહાર થઈ ગયો છે. આ ખેલાડી પીઠની સમસ્યાઓનો સામનો કરી રહ્યો છે.

ક્રિકેટ ચાહકો ICC ચેમ્પિયન્સ ટ્રોફી 2025ની આતુરતાથી રાહ જોઈ રહ્યા છે. દુબઈ અને પાકિસ્તાનમાં યોજાનારી આ આઈસીસી ટુર્નામેન્ટમાં ભારત અને ઓસ્ટ્રેલિયા સહિત આઠ ટીમો ભાગ લઈ રહી છે. પાકિસ્તાન સિવાય તમામ ટીમોએ પોતાની ટીમની જાહેરાત કરી દીધી છે. ટૂર્નામેન્ટ શરૂ થવાના માત્ર 3 અઠવાડિયા પહેલા ઓસ્ટ્રેલિયાને મોટો ફટકો પડ્યો છે. ઓસ્ટ્રેલિયાનો સ્ટાર ખેલાડી મિચેલ માર્શ ચેમ્પિયન્સ ટ્રોફીમાંથી બહાર થઈ ગયો છે. માર્શ પીઠની ઈજા સાથે સંઘર્ષ કરી રહ્યો છે. આથી ક્રિકેટ ઓસ્ટ્રેલિયાએ તેને ટૂર્નામેન્ટમાંથી બાકાત રાખવાનો નિર્ણય લીધો છે.

મિચેલ માર્શ ચેમ્પિયન્સ ટ્રોફી નહીં રમે

ઓસ્ટ્રેલિયાએ પોતાની ચેમ્પિયન્સ ટ્રોફી ટીમમાં મિચેલ માર્શનો સમાવેશ કર્યો હતો. પરંતુ ઈજાના કારણે માર્શને બહાર કરવાની ફરજ પડી હતી. આ દિવસોમાં માર્શ પીઠની ઈજા સાથે સંઘર્ષ કરી રહ્યો છે. આ પહેલા પણ ઘણી વખત ઇજાઓએ તેની કારકિર્દીને અસર કરી છે. સોશિયલ મીડિયા પર માહિતી આપતા ક્રિકેટ ઓસ્ટ્રેલિયાએ લખ્યું, ‘મિચેલ માર્શ પીઠની સમસ્યાને કારણે ICC ચેમ્પિયન્સ ટ્રોફીમાંથી બહાર થઈ ગયો છે’. હવે જોવાનું એ રહેશે કે ઓસ્ટ્રેલિયા તેના સ્થાને ક્યા ખેલાડીને ટીમમાં સ્થાન આપે છે.

આઈપીએલ 2025માં રમી રહેલા માર્શ પર લટકlતી તલવાર

ચેમ્પિયન્સ ટ્રોફી સિવાય મિશેલ માર્શને પણ IPLમાં રમવામાં મુશ્કેલી પડી રહી છે. કારણ કે IPL 2025 ચેમ્પિયન્સ ટ્રોફી સમાપ્ત થયાના બે અઠવાડિયામાં શરૂ થશે. માર્શને લખનઉ સુપર જાયન્ટ્સે 3.40 કરોડ રૂપિયામાં ખરીદ્યો હતો.

હાલમાં જ મિચેલ માર્શ બોર્ડર ગાવસ્કર ટ્રોફીમાં ભારત સામે રમતા જોવા મળ્યો હતો. પરંતુ આ 33 વર્ષનો ખેલાડી ખરાબ રીતે ફ્લોપ રહ્યો હતો. તેણે પાંચમાંથી પ્રથમ ચાર મેચ રમી હતી, જે દરમિયાન તેના બેટથી માત્ર 73 રન જ બન્યા હતા. તે જ સમયે, તે બોલિંગથી પણ પ્રભાવિત કરી શક્યો નહીં. સતત ફ્લોપ પ્રદર્શન બાદ માર્શને પાંચમી ટેસ્ટ મેચમાં જગ્યા આપવામાં આવી ન હતી.

ચેમ્પિયન્સ ટ્રોફી માટે ઓસ્ટ્રેલિયાની ટીમ

પેટ કમિન્સ (કેપ્ટન), ટ્રેવિસ હેડ, જોશ ઇંગ્લિસ, માર્નસ લેબુશેન, મિશેલ માર્શ, ગ્લેન મેક્સવેલ, મેટ શોર્ટ, સ્ટીવ સ્મિથ, એલેક્સ કેરી, નાથન એલિસ, એરોન હાર્ડી, જોશ હેઝલવુડ, મિશેલ સ્ટાર્ક, માર્કસ સ્ટોઇનિસ અને એડમ ઝમ્પા.



Source link

Leave a Reply

Your email address will not be published. Required fields are marked *

Back to top button