‘ઉડતું અમદાવાદ’: SG હાઈવે પર MD ડ્રગ્સ અને દેહસુખનું ₹2 લાખનું પેકેજ, ક્યાં છે પોલીસ?

ફર્સ્ટના ચેકિંગથી સામાન્ય નાગરિકો ડરે છે, ત્યારે ગેરકાયદે પ્રવૃત્તિઓ ચલાવતા તત્ત્વો ખુલ્લેઆમ ફરી રહ્યા છે — આ હકીકત કાયદો અને વ્યવસ્થા માટે ચિંતાજનક છે. જો કાયદાનો ડર માત્ર સામાન્ય માણસ પૂરતો જ રહે અને અસામાજિક તત્ત્વો માટે વ્યવસ્થા નબળી સાબિત થાય, તો સિસ્ટમ પર વિશ્વાસ કેવી રીતે ટકી શકે?

એક સમયે કાયદો અને વ્યવસ્થાનું મોડલ ગણાતું ગુજરાત હવે ધીમે ધીમે ‘ઉડતા ગુજરાત’ તરફ આગળ વધી રહ્યું હોય તેવો અહેસાસ થવા લાગ્યો છે. દરિયાકાંઠેથી પકડાતા ડ્રગ્સના મોટા જથ્થાના ફોટા માત્ર બતાવવાથી સમસ્યા હલ થતી નથી. ખરેખર પડકાર તો શહેરોની ગલીઓ અને રહેણાંક વિસ્તારો સુધી ઘૂસી ગયેલા નશા અને દેહવ્યાપારના નેટવર્કને તોડી પાડવાનો છે.

દર વર્ષે 31 ડિસેમ્બરની ઉજવણી પહેલાં દારૂ પીધેલા લોકોને પકડવાની કાર્યવાહી થાય છે, પરંતુ માત્ર આટલાથી કામ નહીં ચાલે. હવે જરૂરી છે ડ્રગ્સ સપ્લાય ચેન, નશાના અડ્ડા અને દેહવ્યાપાર ચલાવતા રેકેટના મૂળ સુધી પહોંચવાની નિર્ભય અને નિષ્પક્ષ કાર્યવાહી.

જો તંત્ર હજુ પણ આંખ આડા કાન કરશે, તો ‘સલામત રાજ્ય’ તરીકેની ગુજરાતની ઓળખ ધીમે ધીમે ‘નશાના અડ્ડા’ તરીકે બદલાતી જશે. હવે સવાલ એટલો જ છે કે સરકાર અને પોલીસ આ મુદ્દે ખરેખર કડક પગલાં લેશે કે પછી તપાસના નામે મામલો ફરી એકવાર દબાઈ જશે?