Long life habits : 90 વર્ષથી વધુ જીવતા લોકોમાં જોવા મળેલી સામાન્ય આદતો: વૈજ્ઞાનિક રિસર્ચનું ચોંકાવનારું પરિણામ

Healthy lifestyle : લાંબુ આયુષ્ય માત્ર નસીબ અથવા જિનેટિક્સની ભેટ નથી. તાજેતરની વૈજ્ઞાનિક રિસર્ચ દર્શાવે છે કે લાંબું અને સ્વસ્થ જીવન આપણા રોજિંદા વર્તન, આદતો અને વિચારધારા પર વધારે આધારિત છે. 18,000 લોકો પર 15 વર્ષ ચાલેલી સ્ટડી મુજબ આયુષ્યમાં જિનેટિક્સનું યોગદાન માત્ર 20% છે, જ્યારે બાકી 80% જીવનશૈલી નક્કી કરે છે.

રિસર્ચમાં જાણવા મળ્યું કે 90 વર્ષથી વધુ જીવતા લોકોમાં કેટલીક આદતો સામાન્ય જોવા મળે છે. આ લોકો ભાવનાત્મક રીતે શાંત રહે છે અને સ્ટ્રેસને નિયંત્રિત રાખે છે. સ્ટ્રેસ ઓછો હોય ત્યારે હાર્ટ હેલ્થ સારી રહે છે અને માનસિક શક્તિ મજબૂત બને છે. યોગ, ધ્યાન અને બ્રિથિંગ એક્સરસાઇઝ આ માટે મદદરૂપ છે.

લાંબુ આયુષ્ય ધરાવતા લોકોમાં નવી વસ્તુઓ શીખવાની ઈચ્છા પણ મજબૂત હોય છે. સતત જિજ્ઞાસા રાખવાથી મગજ સક્રિય રહે છે, યાદશક્તિ સુધરે છે અને વય વધતા થતી સમસ્યાઓ જેવી કે ડિમેન્શિયાનો જોખમ ઘટે છે.

પ્રકૃતિ સાથે વધુ સમય વિતાવવો પણ લાંબી જીંદગીનો મુખ્ય આધાર છે. ખુલ્લી હવામાં ચાલવું, બગીચામાં ફરવું અથવા પાર્કમાં સમય પસાર કરવાથી માનસિક શાંતિ મળે છે, ઊંઘ સુધરે છે અને ઇમ્યુનિટી મજબૂત બને છે.

આદર્શ જીવનશૈલીનો એક મહત્વનો પાસો છે—આભાર વ્યક્ત કરવું. ખુશ રહેવાની આદત સ્ટ્રેસ ઘટાડે છે, સંબંધો સુધારે છે અને કુલ જીવન ગુણવત્તા વધારી દે છે.

રસપ્રદ વાત એ છે કે 90–100 વર્ષ જીવતા લોકો ક્યારેય લાંબી જીંદગી મેળવવાનો ખાસ પ્રયત્ન કરતા નથી. તેઓ ફક્ત પોતાની પસંદની જીવનશૈલી જીવે છે, સંતુલિત આહાર લે છે, સંબંધોને મહત્વ આપે છે અને નેગેટિવિટીથી દૂર રહે છે.

વિજ્ઞાની સલાહ આપે છે કે લાંબું અને હેલ્ધી જીવન મેળવવા માટે રોજ 150 મિનિટ વ્યાયામ, પ્રાકૃતિક આહાર, 7–8 કલાક ઊંઘ, સ્મોકિંગ–દારૂથી દૂર રહેવું અને સ્ટ્રેસ મિનિમમ રાખવો જરૂરી છે.