Indian Railways : રેલ્વે કર્મચારીઓ માટે દિવાળી પહેલા બંપર ભેટ!

ભારતીય રેલ્વેએ તેના કર્મચારીઓ માટે એક મોટી જાહેરાત કરી છે. SBI પગાર ખાતા ધરાવતા રેલ્વે કર્મચારીઓને 1 કરોડ રૂપિયાનો અકસ્માત મૃત્યુ વીમો મળશે.

સોમવારે રેલ્વે મંત્રી અશ્વિની વૈષ્ણવની હાજરીમાં સ્ટેટ બેંક ઓફ ઈન્ડિયા સાથે સમજૂતી કરાર (MoU) પર હસ્તાક્ષર કરવામાં આવ્યા હતા.

કર્મચારીઓને CGEGIS હેઠળ મળતું હતું વીમા કવચ

અત્યાર સુધી, કેન્દ્ર સરકારના કર્મચારી જૂથ વીમા યોજના (CGEGIS) હેઠળ, જૂથ A, B અને C કર્મચારીઓને અનુક્રમે ફક્ત ₹1.20 લાખ, ₹60,000 અને ₹30,000 નું કવર મળતું હતું.

કરાર હેઠળ કયા લાભો ઉપલબ્ધ થશે?

આ કરાર હેઠળ, કર્મચારીઓને કુદરતી મૃત્યુ પર પણ ₹ 10 લાખનું વીમા કવર મળશે. આ માટે, ન તો પ્રીમિયમ ચૂકવવું પડશે અને ન તો કોઈ તબીબી તપાસ કરાવવાની રહેશે. મંત્રાલયે જણાવ્યું હતું કે આ MoU હેઠળ કેટલાક અન્ય પૂરક વીમા લાભો પણ શામેલ છે.

આમાં ₹ 1.60 કરોડનું હવાઈ અકસ્માત વીમા કવર, RuPay ડેબિટ કાર્ડ પર એક કરોડ રૂપિયા સુધીનું વધારાનું, કાયમી સંપૂર્ણ અપંગતા પર એક કરોડ રૂપિયા સુધીનું અને કાયમી આંશિક અપંગતા પર ₹ 80 લાખ સુધીનું વીમા કવર શામેલ છે.