IPL 2025: બાપુ હું હંમેશા રહીશ… અક્ષર પટેલના દિલ્હી કેપિટલ્સના કેપ્ટન બનવા પર કેએલ રાહુલે આપી આ પ્રતિક્રિયા
હવે IPL 2025 શરૂ થવામાં થોડા જ દિવસો બાકી છે. ટુર્નામેન્ટ શરૂ થવાના થોડા દિવસો પહેલા, દિલ્હી કેપિટલ્સે અક્ષર પટેલને તેમના કેપ્ટન તરીકે નામ જાહેર કર્યું છે. જોકે, પહેલા એવું અનુમાન લગાવવામાં આવી રહ્યું હતું કે ફ્રેન્ચાઇઝી કેએલ રાહુલને તેના કેપ્ટન તરીકે પસંદ કરી શકે છે, જેમણે પંજાબ કિંગ્સ અને લખનૌ સુપર જાયન્ટ્સની કેપ્ટનશીપ કરી છે. અક્ષર પટેલને કેપ્ટન બનાવાયા બાદ, દિલ્હીમાં સામેલ કેએલ રાહુલની પહેલી પ્રતિક્રિયા આવી છે.
ડાબોડી ઓલરાઉન્ડર અક્ષર પટેલ 2019 માં દિલ્હી કેપિટલ્સ સાથે જોડાયો. ત્યારથી તે ટીમ માટે 82 મેચ રમી ચૂક્યો છે. ટીમે તેને IPL 2025 માટે 16.50 કરોડ રૂપિયામાં રિટેન કર્યો હતો. ટીમના કેપ્ટન ઋષભ પંતને રિલીઝ કરવામાં આવ્યો હતો અને ફ્રેન્ચાઇઝીએ હરાજીમાં તેને ખરીદવામાં કોઈ રસ દાખવ્યો ન હતો. ટીમે હરાજીમાં કેએલ રાહુલને 14 કરોડ રૂપિયામાં ખરીદ્યો હતો. જેમણે પંજાબ અને લખનૌનું નેતૃત્વ કર્યું છે. અહેવાલોમાં દાવો કરવામાં આવ્યો છે કે રાહુલે પોતે કેપ્ટન બનવાનો ઇનકાર કર્યો હતો, ત્યારબાદ અક્ષર પટેલને દિલ્હી કેપિટલ્સનું નેતૃત્વ સોંપવામાં આવ્યું છે.
દિલ્હી કેપિટલ્સે સોશિયલ મીડિયા પર પોસ્ટ શેર કરી અને લખ્યું, અભિનંદન બાપુ. આ નવી સફર માટે તમને શુભકામનાઓ અને હું હંમેશા તમારી સાથે છું.
KL Rahul wishing Axar Patel a great journey in Captaincy with Delhi Capitals ♥️ pic.twitter.com/qjREMpDgvV
— Johns. (@CricCrazyJohns) March 14, 2025
