Mahesh Babu : મહેશ બાબુએ વીડિયો પોસ્ટ કરીને ફેન્સને કરી ખાસ વિનંતી, ‘ગ્લોબટ્રોટર’ ઇવેંટને લઈને વધ્યો ઉત્સાહ

દક્ષિણ ભારતીય અભિનેતા મહેશ બાબુ હાલમાં તેની આગામી ફિલ્મ “ગ્લોબટ્રોટર’ માટે ચર્ચામાં છે. આ ફિલ્મમાં તેઓ બોલિવૂડ અભિનેત્રી પ્રિયંકા ચોપરા સાથે પણ દેખાશે. ફિલ્મની રિલીઝ પહેલા, 15 નવેમ્બરે હૈદરાબાદના રામોજી ફિલ્મ સિટી ખાતે એક કાર્યક્રમ યોજાશે. મહેશ બાબુએ ઇન્સ્ટાગ્રામ પર એક વીડિયો પોસ્ટ કરીને ચાહકોને ખાસ અપીલ કરી છે.

Tomorrow it is… 🤗🤗🤗
Come safely, enjoy it and go home safely.❤️❤️❤️ #GlobeTrotter pic.twitter.com/5ybhjJ5ZP4

— Mahesh Babu (@urstrulyMahesh) November 14, 2025

• મહેશ બાબુએ શું ખાસ અપીલ કરી ?

ફિલ્મ “ગ્લોબેટ્રોટર’ના દિગ્દર્શક એસએસ રાજામૌલી તેની પહેલી ઝલક જાહેર કરવા જઈ રહ્યા છે. આ સંદર્ભમાં, મહેશ બાબુએ ઇન્સ્ટાગ્રામ પર એક વીડિયો શેર કર્યો છે. વીડિયોમાં તેણે કહ્યું, “ઇવેન્ટના દિવસે RFCનો મુખ્ય દરવાજો બંધ રહેશે.

જ્યારે તમારો પાસ સ્કેન કરવામાં આવશે, ત્યારે તમને ખબર પડશે કે તમારે કયા દરવાજેથી પ્રવેશ કરવો છે. પોલીસ અને સુરક્ષા કર્મચારીઓને સહયોગ કરો.

પોલીસે કહ્યું છે કે જ્યારે ચાહકો ઓછા વાહનોમાં આવશે, ત્યારે પ્રવેશ કરવો સરળ બનશે. પાસ વિના આવો નહીં. ઘણી બધી ઇવેન્ટ્સ તમારી રાહ જોઈ રહી છે. કાલે સાંજે મળીશું’.

• એસએસ રાજામૌલીની અપીલ

અગાઉ, ફિલ્મના દિગ્દર્શક, એસ.એસ. રાજામૌલીએ ઇન્સ્ટાગ્રામ પર એક પોસ્ટમાં દર્શકોને વિનંતી કરી હતી. તેણે કહ્યું હતું કે, “હું 15 નવેમ્બરના રોજ ગ્લોબટ્રોટર ઇવેન્ટમાં તમને મળવા માટે ઉત્સાહિત છું. કૃપા કરીને તમારા એન્ટ્રી પાસ પરની સૂચનાઓનું પાલન કરો.

RFCનો મુખ્ય દરવાજો બંધ રહેશે. કૃપા કરીને દરેક માટે સલામત અને આનંદપ્રદ કાર્યક્રમ સુનિશ્ચિત કરવા માટે પોલીસ અને સુરક્ષા કર્મચારીઓને સહકાર આપો’.