શેરબજારમાં સપ્તાહની નેગેટીવ જોવા મળી હતી. એક તરફ એચએમપીવી વાયરસની એન્ટ્રી થતા માર્કેટ ડાઉન જોવા મળ્યુ હતુ. બપોરે 3.30 કલાકની સ્થિતિની વાત કરીએ તો શેરબજારમાં કડાકો બોલાયો હતો. સેન્સેક્સ 1258 પોઇન્ટના ઘટાડા સાથે બંધ થયુ જ્યારે નિફ્ટી 376 પોઇન્ટના ઘટાડા સાથે બંધ થયુ. સેન્સેક્સ 77,964 અંકે બંધ જ્યારે નિફ્ટી 23,628 અંકે બંધ થયો હતો.
હેવીવેઇટ શેરમાં ઘટાડો
ટાટા સ્ટીલ, રિલાયન્સ ઇન્ડસ્ટ્રીઝ, એચડીએફસી બેન્ક, કોટક બેન્ક, ટાટા મોટર્સ અને આઇટીસી જેવા હેવીવેઇટ શેરોમાં વેચવાલીથી બજાર નીચે તરફ ખેંચાયું હતું.
રૂપિયો ઓલટાઇમ લૉ
ડોલર સામે રૂપિયો અત્યાર સુધીના નીચલા સ્તરે પહોંચી ગયો છે. સોમવારે (6 જાન્યુઆરી)ના રોજ યુએસ ચલણ સામે રૂપિયો ઘટીને રૂ. 85.82 થયો હતો. આ તેનું ઓલ ટાઈમ લો લેવલ છે.
એશિયન બજારોમાં ઘટાડો
એશિયન બજારોમાં દક્ષિણ કોરિયાનો કોસ્પી નફામાં હતો જ્યારે ચીનનો શાંઘાઈ કમ્પોઝિટ, હોંગકોંગનો હેંગસેંગ અને જાપાનનો નિક્કી ખોટમાં હતો.
Source link
