- ભારતીય શેરબજારની શરૂઆત સુસ્ત રહી
- સેન્સેક્સ-નિફ્ટી મામૂલી ઉછાળા સાથે ખુલ્યા
- માર્કેટ સપાટ ટ્રેડિંગ કરતુ જોવા મળ્યુ
આજે મંગળવારે (3 સપ્ટેમ્બર) ભારતીય શેરબજારની શરૂઆત સુસ્ત રહી હતી. સેન્સેક્સ-નિફ્ટી મામૂલી ઉછાળા સાથે ખુલ્યા હતા, પરંતુ તે ખુલતાની સાથે જ બજારમાં નજીવી પ્રોફિટ-બુકિંગ જોવા મળી હતી, જેના કારણે માર્કેટ સપાટ ટ્રેડિંગ કરતા જોવા મળ્યા હતા. સેન્સેક્સ 93 અંક વધીને 82,652 પર ખુલ્યો હતો. નિફ્ટી 35 પોઈન્ટના વધારા સાથે 25,313 પર અને બેંક નિફ્ટી 40 પોઈન્ટના વધારા સાથે 51,479 પર ખુલ્યો હતો. આજે ખાનગી બેંકો અને આઈટીમાં નબળાઈ જોવા મળી હતી અને એફએમસીજી અને ફાર્મા શેરોમાં ઉછાળો જોવા મળ્યો હતો.
વૈશ્વિક સંકેતો વચ્ચે મંગળવારે શેરબજારની શરૂઆત સપાટ થઈ હતી. NSE નિફ્ટી 50 0.04% વધીને 25,288.70 પર ખુલ્યો, જ્યારે BSE સેન્સેક્સ 9.80 અંક 0.01% ઘટીને 82,550 પર ખુલ્યો. વ્યાપક સૂચકાંકો લીલા રંગમાં ખુલ્યા. બેન્ક નિફ્ટી ઈન્ડેક્સ 56 પોઈન્ટ ઘટીને 51,383.25 પર ખુલ્યો હતો. નિફ્ટીમાં હિન્દાલ્કો ઈન્ડસ્ટ્રીઝ, કોલ ઈન્ડિયા, શ્રીરામ ફાઈનાન્સ, સિપ્લા અને ઓએનજીસી મુખ્ય બેનિફિશિયરી હતા, જ્યારે ગ્રાસિમ ઈન્ડસ્ટ્રીઝ, કોટક મહિન્દ્રા બેન્ક, ડૉ. રેડ્ડીઝ લેબ્સ, કોલ ઈન્ડિયા અને એશિયન પેઈન્ટ્સ ઘટ્યા હતા.
13 દિવસના વધારા બાદ માર્કેટમાં સુસ્તી
13 દિવસ સુધી સતત રેકોર્ડ બનાવ્યા બાદ સ્થાનિક શેરબજારમાં મંગળવારે ઘટાડો જોવા મળ્યો હતો. સપ્તાહના બીજા ટ્રેડિંગ દિવસે, સવારે 10:08 વાગ્યે, સેન્સેક્સ 71.70 (0.08%) પોઈન્ટના વધારા સાથે 82,487.94 ના સ્તરે ટ્રેડ થતો જોવા મળ્યો હતો. બીજી તરફ, નિફ્ટી 25.46 (0.10%) પોઈન્ટ વધીને 25,253.25 પર પહોંચ્યો હતો. એચએએલના શેરમાં 3%નો વધારો નોંધાયો હતો જ્યારે એરટેલના શેરમાં 2%નો ઘટાડો થયો હતો.
Source link
