SMS Scam Alert: TRAIએ બતાવી અસલી અને નકલી મેસેજ ઓળખવાની રીત, P-S-T-G હેડરથી બચી શકો છો ઠગાઈથી

SMS Scam Protection Tips: સાઇબર ઠગાઈના વધતા કેસો વચ્ચે ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI)એ મહત્વપૂર્ણ ચેતવણી જાહેર કરી છે. TRAIએ સોશિયલ મીડિયા પ્લેટફોર્મ X પર પોસ્ટ કરીને જણાવ્યું છે કે, દરેક SMS અસલી નથી હોતો અને નકલી મેસેજથી બચવા માટે SMSના હેડર પર ખાસ ધ્યાન આપવું જરૂરી છે.

• SMS હેડરથી ઓળખો અસલી મેસેજ

TRAI મુજબ, અસલી મેસેજના હેડરના અંતમાં P, S, T અથવા G જેવા શબ્દો જોવા મળે છે.

P – Promotional (પ્રમોશનલ)

S – Service (સર્વિસ સંબંધિત)

T – Transactional (ટ્રાન્ઝેક્શન)

G – Government (સરકારી મેસેજ)

જો આમાંથી કોઈ પણ હેડર ન હોય, તો તે મેસેજ શંકાસ્પદ હોઈ શકે છે.

• સાઇબર ઠગો કેવી રીતે ફસાવે છે?

સાયબર ગુનેગાર લોકો પાસેથી પૈસા પડાવવા માટે ઇમરજન્સી બતાવતા નકલી SMS મોકલે છે, જેમ કે—

“તમારા રિવોર્ડ્સ આજે જ સમાપ્ત થઈ રહ્યા છે”

“તમારું ATM કાર્ડ બ્લોક થવા જઈ રહ્યું છે”

“આજે જ KYC અપડેટ કરો”

“તમે ₹10 લાખની લોટરી જીતી છે”

“તમારું પાર્સલ ડિલિવરી માટે તૈયાર છે”

આ મેસેજમાં આપવામાં આવેલી લિંક તમને નકલી વેબસાઇટ પર લઈ જાય છે, જ્યાં બેંક ડિટેલ્સ, OTP, PIN અથવા CVV નંબર માંગવામાં આવે છે.

• ઇમરજન્સી બતાવી લોકો પર દબાણ

ઠગો મેસેજ અથવા કોલ દ્વારા તાત્કાલિક કાર્યવાહી કરવા કહે છે. લોકો ગભરાઈને OTP શેર કરી દે છે અને થોડી જ મિનિટોમાં બેંક અકાઉન્ટ ખાલી થઈ જાય છે. બેંકો અને સાઇબર એક્સપર્ટ્સ સ્પષ્ટ સલાહ આપે છે કે ક્યારેય પણ OTP શેર ન કરો.

• સાઇબર ઠગાઈથી બચવા માટે શું કરવું?

અજાણ્યા નંબરના SMS પર ક્લિક ન કરો

OTP, PIN, CVV કોઈ સાથે શેર ન કરો

મેસેજના હેડરમાં P, S, T, G તપાસો

શંકાસ્પદ લિંક તરત ડિલીટ કરો

ફ્રોડ થયો હોય તો તરત બેંક અને સાયબર હેલ્પલાઈન પર ફરિયાદ કરો

સાવધાની જ સલામતી છે. એક ક્ષણની બેદરકારી તમને ભારે નુકસાન પહોંચાડી શકે છે.