તારક મહેતાના બબીતાજી અને જેઠાલાલના સંબંધોનો મોટો ખુલાસો, કહ્યું-‘બંને 20 વર્ષથી સાથે…’

સીરિયલ ‘તારક મહેતા કા ઉલ્ટા ચશ્મા’ને હાલમાં જ 16 વર્ષ પૂરા થયા છે. આ શો 16 વર્ષથી સતત લોકોનું મનોરંજન કરી રહ્યો છે. આ શોએ દર્શકો વચ્ચે એક ખાસ સંબંધ બનાવ્યો છે. તે જ સમયે, આ શો સાથે સંકળાયેલી સ્ટાર કાસ્ટનો પણ લોકો સાથે ગાઢ સંબંધ કેળવ્યો છે. જોકે ઘણા લોકોએ આ શોને અલવિદા કહી દીધું છે પરંતુ હજુ પણ આ શોમાં ઘણી એવી સ્ટાર કાસ્ટ છે જે શરૂઆતથી જ આ શો સાથે જોડાયેલા છે. આમાં મુનમુન દત્ત અને દિલીપ જોશીનું નામ પણ સામેલ છે અને બંનેની કેમેસ્ટ્રી ફેન્સને ખૂબ જ પસંદ છે. ત્યારે આજે બબીતાજીનો જન્મદિવસ છે અને અને તમને તેની અને જેઠાલાલની મિત્રતા અંગે જણાવીશું.

20 વર્ષ પહેલા એટલે કે વર્ષ 2004માં મુનમુન દત્તા અને દિલીપ જોશીએ બીજા શોમાં સાથે કામ કર્યું હતું. બંને ઝી ટીવીના શો ‘હમ સબ બારાતી’માં જોવા મળ્યા હતા. આ શોમાં મુનમુન દત્તાએ મીઠીની ભૂમિકા ભજવી હતી અને દિલીપ જોશીએ નાથુ મહેતાની ભૂમિકા ભજવી હતી. શોની વાર્તા એરેન્જ્ડ મેરેજની આસપાસ ફરતી હતી. દિલીપ અને મુનમુન સિવાય તેમાં ડેલનાઝ ઈરાની, ટીકુ તલસાનિયા, ભાવના બલસાવર જેવા કલાકારો હતા. આ શોના 79 એપિસોડ ટેલિકાસ્ટ કરવામાં આવ્યા હતા. એટલે કે બબીતાજીની જેઠાલાલ સાથેની મિત્રતા 20 વર્ષ જૂની છે અને ત્યારથી લઈને અત્યાર સુધી બંને વચ્ચે આ મિત્રતા જળવાઈ રહી છે.

મુનમુન અને દિલીપ 20 વર્ષથી સાથે

તમને જણાવી દઈએ કે વર્ષ 2004માં મુનમુન દત્તાએ ઝી ટીવીના શો ‘હમ સબ બારાતી’થી ડેબ્યૂ કર્યું હતું. આમાં તેણે પોતાની સુંદરતા અને અભિનયથી લોકોના દિલ જીતી લીધા હતા. જ્યારે શો સમાપ્ત થયો ત્યારે દિલીપ જોશીએ મુનમુન દત્તાને ‘તારક મહેતા કા ઉલ્ટા ચશ્મા’ માટે ઓડિશન આપવા કહ્યું હતું અને તેણીની પસંદગી પણ કરવામાં આવી હતી. ત્યારથી મુનમુન અને દિલીપ આ શો સાથે જોડાયેલા છે. આ શોમાં મુનમુન દત્તા અને દિલીપ જોશી વચ્ચેનું બોન્ડિંગ ખૂબ જ આકર્ષક છે. શોમાં જેઠાલાલ બબીતા ​​માટે કંઈ પણ કરવા તૈયાર છે. જે લોકોને ખૂબ પસંદ આવે છે.