આ કંપનીને સંરક્ષણ મંત્રાલય તરફથી ₹1990 કરોડનો ઓર્ડર મળ્યો, શેર 98% સુધી ચઢ્યા – GARVI GUJARAT

Mazagon Dock શિપબિલ્ડર્સ લિમિટેડના શેર આજે સોમવારે ટ્રેડિંગ દરમિયાન ફોકસમાં હતા. કંપનીનો શેર આજે 3% ઘટીને રૂ. 2237.30 ના ઇન્ટ્રાડે લોએ પહોંચ્યો હતો. જોકે, આ પછી કંપનીના શેરમાં થોડી રિકવરી જોવા મળી હતી અને તે રૂ. 2309.60ની ઇન્ટ્રાડે હાઈ પર પહોંચી ગયો હતો. તમને જણાવી દઈએ કે કંપનીને રક્ષા મંત્રાલય તરફથી લગભગ 1,990 કરોડ રૂપિયાનો ઓર્ડર મળ્યો છે.

કંપનીએ શું કહ્યું?

મુખ્ય શિપયાર્ડ Mazagon Dockને ડીઆરડીઓ માટે એર ઈન્ડિપેન્ડન્ટ પ્રોપલ્શન (એઆઈપી) પ્લગના ઉત્પાદન તેમજ તેના એકીકરણ માટે સંરક્ષણ મંત્રાલય તરફથી આશરે રૂ. 1,990 કરોડનો ઓર્ડર મળ્યો છે, એમ મંત્રાલયના 30 ડિસેમ્બરના એક નિવેદનમાં જણાવાયું છે. આ પ્રોજેક્ટમાં AIP-પ્લગનું ઉત્પાદન અને એકીકરણ સામેલ છે અને તે ‘આત્મનિર્ભર ભારત’માં યોગદાન આપતા પરંપરાગત સબમરીનની સહનશક્તિ વધારશે. મઝાગોન ડોકે કહ્યું છે કે AIPને સ્કોર્પિન સબમરીન પર રિટ્રોફિટ કરવામાં આવશે. તેમાં કહેવામાં આવ્યું છે કે નૌકાદળ 2025 માં અપેક્ષિત પ્રથમ સબમરીનના પ્રથમ રિફિટ દરમિયાન AIP રજૂ કરવા આતુર છે. સબમરીન કોન્ટ્રાક્ટ લગભગ ત્રણ લાખ નોકરીઓનું સર્જન કરશે, એમ એક સરકારી રિલીઝમાં જણાવાયું છે.

કંપનીના શેર

Mazagon Dockના શેર પાંચ દિવસમાં 6% ઘટ્યા છે. આ વર્ષે અત્યાર સુધીમાં તે 98% વધી ગયો છે. કંપનીના શેર પાંચ વર્ષમાં 2600% વધ્યા છે. આ સમયગાળા દરમિયાન આ શેર 84 રૂપિયાથી વધીને વર્તમાન ભાવ સુધી પહોંચી ગયો છે.