Post Office : ફક્ત આટલા કલાકમાં પહોંચી જશે, ટપાલ વિભાગે આપી ફાસ્ટ ડિલિવરીની ગેરેન્ટી પાર્સલ

કેન્દ્રીય સંચાર મંત્રી જ્યોતિરાદિત્ય સિંધિયાએ તાજેતરમાં એક મોટી જાહેરાત કરી છે કે ભારતીય ટપાલ વિભાગ હવે નવી ઝડપી ડિલિવરી સેવાઓ શરૂ કરવા જઈ રહ્યું છે.

એકવાર આ સેવાઓ લાગુ થઈ ગયા પછી પોસ્ટ ઓફિસો 24 અને 48 કલાકની અંદર ટપાલ અને પાર્સલ પહોંચાડવાની ગેરંટી આપશે. આ સેવા શરૂ થઈ ગયા પછી તમારે તમારા મહત્વપૂર્ણ દસ્તાવેજો અથવા પાર્સલ પહોંચાડવા માટે દિવસો રાહ જોવી પડશે નહીં.

• એક દિવસમાં ગેરંટીકૃત ડિલિવરી

તેમણે સમજાવ્યું કે 24-કલાકની સ્પીડ પોસ્ટ સેવા એક દિવસમાં કોઈપણ પોસ્ટલ વસ્તુ પહોંચાડવાની ગેરંટી આપશે. 48-કલાકની સ્પીડ પોસ્ટ સેવા બે દિવસમાં પાર્સલ પહોંચાડશે. આનાથી લોકો તેમની જરૂરિયાતોને આધારે ઝડપી અથવા ધીમી ડિલિવરી પસંદ કરી શકશે. કેન્દ્રીય મંત્રીએ જણાવ્યું હતું કે આ સેવાઓ જાન્યુઆરીમાં શરૂ કરવામાં આવશે.

• ડિલિવરીની ગતિમાં થશે સુધારો

સિંધિયાએ એમ પણ કહ્યું કે પાર્સલ ડિલિવરીની ગતિમાં નોંધપાત્ર સુધારો થશે. હાલમાં પાર્સલ ડિલિવરીમાં 3 થી 5 દિવસ લાગે છે પરંતુ હવે પોસ્ટ ઓફિસો આગામી દિવસે ડિલિવરી આપશે. ઝડપી વ્યવસાયિક શિપમેન્ટ ઇચ્છતા લોકો માટે આ ખાસ કરીને સારા સમાચાર છે.