મેરે અંગને મે, યે રિશ્તા ક્યા કહેલાતા હૈ, બાલવીર અને અગલે જનમ મોહે બિટીયા હી કીજો, જેવા ખુબજ લોકપ્રિય ટીવી શોમાં પ્રખ્યાત ટીવી અભિનેત્રી ચારૂ અસોપા પોતાની પ્રોફેશનલ અને પર્સનલ લાઇફને લઇને ચર્ચામાં રહે છે. સિંગલ મધર બનીને 3 વર્ષની પુત્રીનું પાલન પોષણ કરી રહેલી એકટ્રેસ અનેક વખત ટ્રોલર્સના નિશાન પર આવી છે.
એકટ્રેસ ટીવી ઇન્ડસ્ટ્રીઝથી હાલ દૂર છે
ચારૂએ બોલિવુડ એકટ્રસ સુષ્મિતાના ભાઇ રાજીવ સેન સાથે લગ્ન કર્યા હતા, લગ્નના થોડા સમયમાં જ કપલની વચ્ચે તકરારના સમાચાર આવ્યા હતા. હવે રાજીવ અને ચારૂ અલગ રહે છે. ચારૂ પોતાની બાળકીને એકલા હાથે મોટી કરી રહી છે. એકટ્રેસ ટીવી ઇન્ડસ્ટ્રીઝથી હાલ દૂર છે. આ તમામ વચ્ચે આર્થિક તંગીનો સામનો કરી રહી છે. ચારૂએ હવે તેણે શા માટે ઇન્ડસ્ટ્રીઝને અલવિદા કહ્યુ તે જણાવ્યુ છે.
મારી દીકરીનો ઉછેર કેવી રીતે થશે?’
સોશિયલ મીડિયા પર સતત ટ્રોલ થવાને લઇને હવે ચારૂએ સણસણતો જવાબ આપ્યો છે. ચારૂએ કહ્યુ કે આ લોકોને હંમેશા બીજાની વાતો કરવી ગમે છે જ્યારે ખુદ પર વીતે ત્યારે ખબર પડે કે શું થાય છે. મારી ફાઇનાન્સ કન્ડીશન હાલ ખુબજ ખરાબ થઇ રહી છે. મારૂ ઘર કેમ ચાલશે? અભિનેત્રીએ કહ્યું કે, ‘મને સોશિયલ મીડિયા પર ખૂબ ટ્રોલ કરવામાં આવે છે. લોકો ફરિયાદ કરે છે કે હું ઘણી મુસાફરી કરું છું. જો હું મુસાફરી ન કરું તો મારું ઘર કોણ ચલાવશે? મારી દીકરીનો ઉછેર કેવી રીતે થશે?’
ઈન્ડસ્ટ્રી છોડવાનું કારણ આપ્યું
ચારુ અસોપાએ ટીવી ઈન્ડસ્ટ્રીથી પોતાને દૂર કરી લીધા છે. આનું કારણ જણાવતાં અભિનેત્રીએ કહ્યું, ‘મારી દીકરી જિયાના હજુ નાની છે. મારે તેની સાથે ઘરે રહેવું છે. હું તેને એકલી છોડી શકતો નથી. જ્યારે ટીવી શોમાં તમારે લગભગ 16-17 કલાક ઘરની બહાર રહેવું પડે છે. ત્યાં કોઈ સમય મર્યાદા નથી. હું આટલો સમય આપી શકતી નથી અને જિયાનાને એકલી છોડી શકું તેમ નથી.
ચારુએ આગળ કહ્યું કે, ‘જો મેં જિઆનાને ઘરે છોડી દીધી હોત તો તમારા લોકોને તકલીફ પડી હોત.’ ચારુ આસોપાએ કહ્યું કે તેણે 4-5 વર્ષની ઉંમરે જ સ્કૂલમાં જવાનું શરૂ કરી દીધું હતું. તેની પાસે B.Com ડિગ્રી છે.
રાજીવ સાથે છૂટાછેડા લીધા
ચારુ અસોપા અને રાજીવ સેને વર્ષ 2019માં લગ્ન કર્યા હતા. જો કે, તેમના લગ્ન 2023 સુધી જ ટકી શક્યા. એક સમય એવો આવ્યો જ્યારે ચારુએ રાજીવ પર ઘણા ગંભીર આરોપો લગાવ્યા. બાદમાં બંનેએ છૂટાછેડા લીધા હતા. ત્યારથી, ચારુ તેની પુત્રીને એકલા હાથે ઉછેરી રહી છે.
Source link
