મેલબોર્ન ટેસ્ટમાં ઓસ્ટ્રેલિયાના હાથે મળેલી હાર બાદ વિરાટ કોહલીની નિવૃત્તિ અંગે એક મોટું અપડેટ સામે આવ્યું છે. વિરાટે બીસીસીઆઈને જણાવ્યું છે કે તે ક્યારે આંતરરાષ્ટ્રીય ક્રિકેટમાંથી નિવૃત્તિની જાહેરાત કરશે. બોર્ડર-ગાવસ્કર સિરીઝમાં કોહલીનું પ્રદર્શન ઘણું નિરાશાજનક રહ્યું છે.
પર્થ ટેસ્ટની બીજી ઈનિંગને બાદ કરતાં વિરાટ આ પ્રવાસમાં ખરાબ રીતે ફ્લોપ રહ્યો છે. બોલ ઓફ સ્ટમ્પની બહાર જવાથી વિરાટ ઘણો પરેશાન છે. મેલબોર્ન ટેસ્ટની બંને ઈનિંગ્સમાં પણ કોહલી બેટથી કંઈ ખાસ બતાવી શક્યો ન હતો.
કોહલીની નિવૃત્તિ અંગે અપડેટ
મીડિયા રિપોર્ટ મુજબ BCCIના એક સૂત્રએ કહ્યું કે વિરાટ કોહલીએ BCCI સાથે આંતરરાષ્ટ્રીય ક્રિકેટમાં તેના ભવિષ્યને લઈને ચર્ચા કરી છે. સૂત્રના જણાવ્યા મુજબ કોહલીનું કહેવું છે કે તે વર્ષ 2027માં યોજાનાર ODI વર્લ્ડ કપ સુધી રમવા માંગે છે. વિરાટ કોહલીનો અત્યારે આંતરરાષ્ટ્રીય ક્રિકેટમાંથી નિવૃત્તિ લેવાનો કોઈ ઈરાદો નથી. બોર્ડર-ગાવસ્કર સિરીઝમાં ખરાબ રીતે ફ્લોપ રહેવાને કારણે વિરાટ અને રોહિત શર્મા ટ્રોલર્સના નિશાના પર છે. સોશિયલ મીડિયા પર ફેન્સ કોહલી અને રોહિતને ટેસ્ટમાંથી સંન્યાસ લેવાની સલાહ પણ આપી રહ્યા છે. T-20 વર્લ્ડ કપ જીત્યા બાદ વિરાટે ક્રિકેટના સૌથી ટૂંકા ફોર્મેટમાંથી નિવૃત્તિની જાહેરાત કરી હતી.
ખરાબ રીતે ફ્લોપ થઈ રહ્યો છે વિરાટ કોહલી
ઓસ્ટ્રેલિયા સામે રમાઈ રહેલી બોર્ડર-ગાવસ્કર સિરીઝમાં વિરાટ કોહલીનું પ્રદર્શન નિરાશાજનક રહ્યું છે. અત્યાર સુધી રમાયેલી ચાર ટેસ્ટ મેચોમાં કોહલી 7 ઈનિંગ્સમાં 27ની એવરેજથી માત્ર 167 રન જ બનાવી શક્યો છે. કોહલીએ પર્થની બીજી ઈનિંગમાં સદી ફટકારી હતી. તે ઈનિંગ સિવાય વિરાટ આ પ્રવાસમાં ખરાબ રીતે સંઘર્ષ કરતો જોવા મળ્યો છે. આ પ્રવાસમાં ઓફ સ્ટમ્પની બહાર જતા બોલે વિરાટને ઘણો પરેશાન કર્યો છે. મેલબોર્ન ટેસ્ટના પ્રથમ દાવમાં કોહલી સારી શરૂઆતનો ફાયદો ઉઠાવવામાં નિષ્ફળ રહ્યો હતો અને 36 રન બનાવીને વોકઆઉટ થયો હતો. જ્યારે બીજી ઈનિંગમાં કોહલી માત્ર 5 રન બનાવીને મિચેલ સ્ટાર્કનો શિકાર બન્યો હતો.
