કઇ કંપનીનો ફોન વાપરે છે પીએમ મોદી? જાણો શું હોય છે ફિચર

• સરકારી હાઇ સિક્યોરિટી ફોન વાપરે છે પીએ મોદી
  
• પીએમના આ ફોનનું નામ રૂદ્ર હોવાનું કહેવાય છે
  
• ખાસ સુરક્ષિત ઓપરેટિંગ સિસ્ટમ ધરાવે છે ફોન
  

દેશના વડાપ્રધાન નરેન્દ્ર મોદી અસાધારણ વસ્તુઓના ઉપયોગ માટે જાણીતા છે. પીએમ મોદીને ટેક્નોલોજીનો પણ ઘણો શોખ છે જેના કારણે તેઓ ઘણી વખત સેલ્ફી લેતા જોવા મળ્યા છે. આવી સ્થિતિમાં, ઘણા લોકોના મનમાં એક પ્રશ્ન ઉઠે છે કે પીએમ નરેન્દ્ર મોદી કયો સ્માર્ટફોન વાપરતા હશે? તમને જણાવી દઈએ કે પીએમ મોદીનો જે ફોન છે તે પીએમ માટે ખાસ કરીને ખૂબ જ એડવાન્સ ટેક્નોલોજી સાથે તૈયાર કરવામાં આવ્યો છે. આ ફોનને ટ્રેસ અથવા હેક કરી શકાતો નથી. ચાલો જાણીએ આ ફોનના ફીચર્સ શું છે?

કયો ફોન વાપરે છે પીએમ મોદી?

રિપોર્ટ્સ અનુસાર, પીએમ મોદી જે ફોનનો ઉપયોગ કરે છે તે સરકારી હાઇ સિક્યોરિટી ફોન છે. આ ફોનનું નામ રૂદ્ર છે. આ ફોન ભારત સરકારના ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલય દ્વારા બનાવવામાં આવ્યો છે. આ એક એન્ડ્રોઇડ ફોન છે જેમાં ખાસ સુરક્ષિત ઓપરેટિંગ સિસ્ટમ છે. આ ફોન એકદમ સલામત છે અને અદ્યતન સુરક્ષા સુવિધાઓથી પણ સજ્જ છે.

આ સિવાય PM મોદી વાત કરવા માટે સેટેલાઇટ અથવા RAX ફોનનો ઉપયોગ કરે છે. તમને જણાવી દઈએ કે આ ફોન મોબાઈલ હેન્ડસેટથી બિલકુલ અલગ છે. આ સાથે આ ફોન મિલિટરી ફ્રીક્વન્સી બેન્ડ પર કામ કરવામાં સક્ષમ છે. એટલું જ નહીં, આ ફોનને કોઈ હેક કે ટ્રેસ પણ કરી શકશે નહીં.

પર્સનલ ફોન કયો છે?

કેટલાક મીડિયા રિપોર્ટ્સ અનુસાર, કેટલીકવાર વડાપ્રધાન નરેન્દ્ર મોદી પોતાના પર્સનલ ફોનનો પણ ઉપયોગ કરે છે. જો કે, આ ફોન વિશે કોઈ ચોક્કસ માહિતી શેર કરવામાં આવી નથી. પરંતુ પીએમ મોદીને ગયા વર્ષે જ એક નવો સરકારી ફોન મળ્યો છે, જેનું નામ રૂદ્ર 2 છે. આ ફોન રુદ્ર કરતાં વધુ અદ્યતન અને ઉચ્ચ સુરક્ષા સુવિધાઓથી સજ્જ છે. આ ફોનમાં ઈન-બિલ્ટ સિક્યોરિટી ચિપ આપવામાં આવી છે. તેની મદદથી તે સાયબર હુમલાથી બચાવે છે. આ ઉપરાંત તેમાં એક ખાસ ઓપરેટિંગ સિસ્ટમ પણ ઉપલબ્ધ છે.