Kolkata Doctor Case :CBI કરશે સાયકો ટેસ્ટ,ડોક્ટરોએ PM મોદી પાસે માગી મદદ

• આરજી કર મેડિકલ કોલેજમાં એક મહિલા તાલીમાર્થી ડૉક્ટર પર બળાત્કાર અને હત્યાના કેસને લઈને વિરોધ પ્રદર્શન
  
• દેશભરની હોસ્પિટલોમાં ડોક્ટરો વિરોધ કરી રહ્યા છે
  
• ડોક્ટરોની 24 કલાકની દેશવ્યાપી હડતાળ શરૂ થઈ ગઈ છે
  

પશ્ચિમ બંગાળમાં, કોલકતાની આરજી કર મેડિકલ કોલેજમાં એક મહિલા તાલીમાર્થી ડૉક્ટર પર બળાત્કાર અને હત્યાના કેસને લઈને વિરોધ પ્રદર્શન ચાલુ છે. દેશભરની હોસ્પિટલોમાં ડોક્ટરો વિરોધ કરી રહ્યા છે. IMAની અપીલ બાદ દેશભરમાં ડોક્ટરોની 24 કલાકની દેશવ્યાપી હડતાળ શરૂ થઈ ગઈ છે. આ સમયગાળા દરમિયાન માત્ર ઈમરજન્સી સેવાઓ ચાલુ રહેશે.

મહારાષ્ટ્રમાં તબીબી સેવાઓ પ્રભાવિત

શનિવારે મહારાષ્ટ્રમાં આરોગ્ય સેવાઓ પ્રભાવિત રહી હતી કારણ કે IMAના કોલ પર સરકારી નિવાસી ડોકટરોની સાથે ખાનગી ડોકટરો પણ હડતાળમાં જોડાયા હતા અને વિરોધમાં ભાગ લીધો હતો. કોલકાતામાં એક ડૉક્ટર પર બળાત્કાર અને હત્યાની ઘટનાના વિરોધમાં સરકારી ડૉક્ટરો 13 ઓગસ્ટથી અનિશ્ચિત મુદતની હડતાળ પર છે. મહારાષ્ટ્ર એસોસિએશન ઑફ રેસિડેન્ટ ડૉક્ટર્સ (MARD) અનુસાર, ઈમરજન્સીની સેવાઓ સિવાય તમામ સેવાઓને અસર થઈ હતી.

આરજી કર મેડિકલ કોલેજની બહાર પ્રદર્શન પર પ્રતિબંધ

કોલકતા વહીવટીતંત્રે આરજી કર મેડિકલ કોલેજ અને હોસ્પિટલની બહાર વિરોધ પ્રદર્શન પર પ્રતિબંધ મૂક્યો છે. આ પ્રતિબંધ 7 દિવસ સુધી ચાલુ રહેશે. વહીવટીતંત્રનું કહેવું છે કે તેને મળેલા ઈનપુટ્સના આધારે કહેવામાં આવ્યું છે કે અહીં હિંસા થવાની સંભાવના છે.

જયપુરમાં ડોક્ટરોએ પ્રદર્શન કર્યું

રાજસ્થાનની રાજધાની જયપુરમાં ડોક્ટરો અને મેડિકલ વિદ્યાર્થીઓએ કોલકાતામાં બનેલી ઘટનાનો વિરોધ કર્યો છે. હાલમાં દેશભરમાં દેખાવો ચાલી રહ્યા છે.

નિર્ભયા કેસમાંથી આપણે શું શીખ્યા – માતા આશા દેવી

નિર્ભયાની માતા આશા દેવીએ કહ્યું, “સૌથી દુર્ભાગ્યપૂર્ણ બાબત એ છે કે કોલકતામાં જે સ્થિતિ ઉભી થઈ છે. તે બાબત પર કામ કરવાને બદલે, મહિલાઓની સુરક્ષા અને કાયદાની ખામીઓ પર, સરકારો એકબીજા પર આરોપ લગાવી રહી છે અને આરોગ્ય મંત્રાલયનો વિરોધ કરી રહી છે. આપણે નિર્ભયા કેસમાંથી કોઇ સબક ન લીધો તે આ વાતની સાબીતી છે.