Nia Sharmaને દિલ્હી કોર્ટે મોકલ્યું સમન્સ, પરિવારે લગાવ્યા મોટા આરોપો

• ભાભીએ નિયા શર્મા, તેની માતા અને ભાઈ સામે ઘરેલુ હિંસાનો કેસ દાખલ કર્યો
  
• ભાભીએ નિયા, તેની સાસુ અને પતિ પર મારપીટનો આરોપ લગાવ્યો છે
  
• નિયા શર્માના ભાઈ વિનય શર્માના લગ્ન 2022માં દિલ્હીમાં થયા હતા
  

દિલ્હીની કોર્ટે પોપ્યુલર ટીવી એક્ટ્રેસ નિયા શર્માને ઘરેલુ હિંસા કેસમાં સમન્સ જાહેર કર્યું છે. તેની ભાભીએ નિયા શર્મા, તેના ભાઈ અને માતા વિરુદ્ધ ઘરેલુ હિંસાની ફરિયાદ નોંધાવી છે અને તેમાં ખૂબ જ ગંભીર આરોપો છે. ફરિયાદમાં ભાભીએ નિયા શર્મા તેમજ તેની સાસુ અને પતિ પર મારપીટ કરવાનો આરોપ લગાવ્યો હતો.

નિયા શર્માની ભાભીએ નોંધાવેલી ફરિયાદ મુજબ, નિયાએ તેના ભાઈ અને માતા સાથે મળીને તેને શારીરિક, માનસિક અને ભાવનાત્મક રીતે ત્રાસ આપ્યો હતો. કોર્ટનું કહેવું છે કે પ્રતિવાદી નંબર 2 અને નંબર 3 સામે પ્રાથમિક દૃષ્ટિએ આરોપો છે. મુંબઈ પોલીસ દ્વારા નિયા શર્મા અને તેની માતાને નોટિસ આપવામાં આવી છે. આ મામલે હજુ વધુ માહિતી સામે આવી નથી.

નિયાના ભાઈના લગ્ન 2022માં દિલ્હીમાં થયા હતા

નિયા શર્માના ભાઈ વિનય શર્માના લગ્ન ફેબ્રુઆરી 2022માં થયા હતા. લગ્ન દિલ્હીમાં થયા હતા અને ત્યારબાદ એક્ટ્રેસે સોશિયલ મીડિયા પર ભાઈ અને ભાભીના લગ્નની સુંદર તસવીરો અને વીડિયો શેર કર્યા હતા. જ્યારે નિયા શર્મા 14 વર્ષની હતી ત્યારે તેના પિતાનું અવસાન થયું હતું. તેણે આ વિશે ડાન્સ રિયાલિટી શો ‘ઝલક દિખલા જા’માં જણાવ્યું હતું.

પિતાના મૃત્યુ પછી નિયા શર્માના પરિવારનો સંઘર્ષ

નિયાએ જણાવ્યું હતું કે તે અને પરિવાર ઘણા વર્ષોથી સંઘર્ષ કરી રહ્યા હતા. ભાઈને નાનપણથી જ કામ કરવું પડ્યું જેથી તે પરિવારનું ભરણપોષણ કરી શકે. નિયાના કહેવા પ્રમાણે તેની માતાએ પણ તેના માટે ઘણું બલિદાન આપ્યું હતું.