- આજે કૃષ્ણ જન્માષ્ટમીને લઇને તૈયારીઓ તડામાર
- રાત્રે 12 કલાકે થશે કૃષ્ણજન્મોત્સવ
- દેશમાં ભગવાન કૃષ્ણના છે અનેક મંદિરો
આજે દેશભરમાં જન્માષ્ટમીની ઉજવણી કરવામાં આવી રહી છે. કૃષ્ણ મંદિરો તથા લોકોના ઘરોમાં પણ કૃષ્ણ જન્મોત્સવને લઇને તડામાર તૈયારીઓ ચાલી રહી છે. દેશના મોટા મોટા મંદિરોમાં તો આજે પગ મૂકવાની પણ જગ્યા નથી. સવારથી જ ભક્તો ભગવાન કૃષ્ણના દર્શન કરવા માટે પહોંચી રહ્યા છે. જો કે દેશમાં તો ભગવાન કૃષ્ણના અનેક મંદિરો છે. જ્યાં મોટી સંખ્યામાં શ્રદ્ધાળુઓ જાય છે.ત્યારે આજે આપણે જન્માષ્ટમીના શુભ અવસર પર જાણીએ 10 લોકપ્રિય અને ભવ્ય મંદિરો વિશે.
પ્રેમ મંદિર,વૃંદાવન
વૃંદાવનમાં આવેલું ભગવાન શ્રી કૃષ્ણનું પ્રેમ મંદિર ખૂબ જ ભવ્ય છે. રાત્રે આ મંદિરનો નજારો વધુ સુંદર લાગે છે. આ જ કારણ છે કે રાત્રે પણ અહીં ભક્તોની ભીડ ઓછી થતી નથી. પ્રેમ મંદિરની સજાવટ ખૂબ જ ખાસ રીતે કરવામાં આવી છે. તેની નજીક બાંકે બિહારી મંદિર પણ આવેલું છે.
ઇસ્કોન મંદિર,વૃંદાવન
ભગવાન કૃષ્ણનું ઇસ્કોન મંદિર દેશભરમાં ઘણી જગ્યાએ સ્થાપિત છે. પરંતુ વૃંદાવનના ઈસ્કોન મંદિરનો મહિમા વિશેષ છે. વૃંદાવનના ઇસ્કોન મંદિરનું નિર્માણ વર્ષ 1975માં કરવામાં આવ્યું હતું. વૃંદાવનના ઈસ્કોન મંદિરમાં વર્ષભર ભક્તોની ભીડ રહે છે. જન્માષ્ટમીના શુભ અવસર પર અહીંનો નજારો વધુ ભવ્ય બની જાય છે.
જગન્નાથ મંદિર,પુરી, ઓરિસ્સા
ઓરિસ્સાના પુરીમાં ભગવાન જગન્નાથનું ભવ્ય મંદિર છે અને તે ચાર ધામમાંથી એક માનવામાં આવે છે. પુરીના જગન્નાથ મંદિરથી શરૂ થનારી રથયાત્રા 10 દિવસ સુધી ચાલુ રહે છે અને અષાઢ શુક્લ પક્ષની 11મી તારીખે ભગવાન જગન્નાથ પરત ફરે છે ત્યારે સમાપ્ત થાય છે. એવું માનવામાં આવે છે કે જ્યારે ભગવાન કૃષ્ણએ તેમના શરીરને છોડી દીધું હતું અને અંતિમ સંસ્કાર કરવામાં આવ્યા હતા, ત્યારે તેમનું આખું શરીર, એક ભાગ સિવાય, પાંચ તત્વોમાં ભળી ગયું હતું. એવું માનવામાં આવે છે કે ભગવાન કૃષ્ણનું હૃદય જીવંત મનુષ્યની જેમ ધડકતું હતું. એવું કહેવાય છે કે તે હૃદય હજી પણ સુરક્ષિત છે અને ભગવાન જગન્નાથની લાકડાની મૂર્તિની અંદર છે.
શ્રીનાથજી,નાથદ્વારા, રાજસ્થાન
રાજસ્થાનના નાથદ્વારામાં સ્થિત શ્રીનાથજી મંદિરનું નિર્માણ 12મી સદીમાં કરવામાં આવ્યું હતું. અરવલીની ગોદમાં બનાસ નદીના કિનારે નાથદ્વારામાં આવું જ એક તીર્થસ્થાન છે. આ મુખ્ય વૈષ્ણવ તીર્થસ્થળના શ્રીનાથજી મંદિરમાં ભગવાન કૃષ્ણ સાત વર્ષના ‘બાળક’ અવતારના રૂપમાં બિરાજમાન છે. ઔરંગઝેબ પણ મથુરા જિલ્લામાં બાળ સ્વરૂપ શ્રીનાથજીની મૂર્તિ તોડી શક્યો ન હતો. ત્યારબાદ મેવાડના રાણાએ પડકાર સ્વીકાર્યા બાદ અહીં ગોવર્ધનધારી શ્રીનાથજીની મૂર્તિ સ્થાપિત કરવામાં આવી અને મંદિરનું નિર્માણ કરવામાં આવ્યું.
બાલકૃષ્ણ મંદિર,હમ્પી, કર્ણાટક
દક્ષિણ ભારતના કર્ણાટકના હમ્પી શહેરમાં સ્થિત બાલકૃષ્ણ મંદિર ખૂબ જ અનોખી રીતે બનાવવામાં આવ્યું છે. આ મંદિરનું નામ યુનેસ્કોની વર્લ્ડ હેરિટેજ વેબસાઈટ પર પણ લિસ્ટ કરવામાં આવ્યું છે. આ મંદિરમાં ભગવાન કૃષ્ણનું બાળ સ્વરૂપ છે.
ઇસ્કોન મંદિર,બેંગલુરુ
ભારતનું સૌથી મોટું ઇસ્કોન મંદિર બેંગલુરુમાં છે. એવું કહેવાય છે કે આ મંદિર વર્ષ 1997માં બનાવવામાં આવ્યું હતું, જેનો હેતુ વૈદિક અને ધાર્મિક સંસ્કૃતિને પ્રોત્સાહન આપવાનો હતો. આ મંદિરમાં માત્ર ભારતના ખૂણે-ખૂણેથી લોકો જ નથી આવતા, પણ વિદેશીઓ પણ અહીં દર્શન માટે આવે છે.
ઉડુપી શ્રી કૃષ્ણ મઠ,કર્ણાટક
કર્ણાટકમાં સ્થિત ભગવાન કૃષ્ણનું આ મંદિર 13મી સદીમાં બનાવવામાં આવ્યું હતું. આ મંદિર સાથે જોડાયેલી એક ખાસ વાત છે. કહેવાય છે કે આ મંદિરની નજીક આવેલા તળાવના પાણીમાં મંદિરનું પ્રતિબિંબ દેખાય છે.
રણછોડરાયજી મંદિર, ગુજરાત
ગુજરાતમાં ગોમતી નદીના કિનારે બંધાયેલ ભગવાન કૃષ્ણનું આ ભવ્ય મંદિર ધાર્મિક સ્થળોમાં વિશેષ સ્થાન ધરાવે છે. આ મંદિરમાં સોનાના 8 ગુંબજ અને 24 ટાવર છે. આ મંદિરની નજીક લક્ષ્મી માતાનું મંદિર પણ છે.
Source link
