બોલીવુડ અભિનેત્રી નતાશા સ્ટેનકોવિક અને હાર્દિક પંડ્યા ભલે એકબીજાથી અલગ થઈ ગયા હોય પરંતુ બંને કોઈને કોઈ કારણોસર સમાચારમાં રહે છે. હાલમાં જ અભિનેત્રીએ એરપોર્ટ પરથી એક તસવીર શેર કરી હતી. ફ્લાઈટને ટેકઓફ કરતી જોઈને ચાહકોને પણ મૂંઝવણ થઈ રહી છે કે શું નતાશા સ્ટેનકોવિક ભારતમાં છે કે સર્બિયા પરત જઈ રહી છે.
નતાશા સ્ટેનકોવિક તેના જીવનને લઈને તમામ અપડેટ ફેન્સ સાથે શેર કરતી જોવા મળી રહી છે. ત્યારે હવે ફેન્સ એ પણ જાણવા માંગે છે કે, જો નતાશા સર્બિયા પરત આવી છે તો તેનો પુત્ર અગસ્ત્ય ક્યાં છે? સોશિયલ મીડિયા પર અનુમાન લગાવી રહ્યા છે કે કદાચ નતાશા પુત્ર અગસ્ત્યને હાર્દિક સાથે છોડીને સર્બિયા પરત આવી ગઈ છે.
નતાશા વર્કઆઉટ કરતી જોવા મળી
નતાશા દરરોજ જીમમાંથી પોતાના વીડિયો શેર કરે છે. એક્ટ્રેસને વર્કઆઉટ જોઈને ચાહકો એવું પણ અનુમાન લગાવી રહ્યા છે કે નતાશાએ હાર્દિક પંડ્યાને ભૂલીને પોતાના પર ફોકસ કરવાનું શરૂ કરી દીધું છે. જોકે, વિડીયો જોયા બાદ ચાહકો મૂંઝવણમાં છે કે નતાશા ભારતમાં છે અથવા તેના માતાપિતા સાથે સર્બિયા પરત ગઈ છે.
છેલ્લા કેટલાક દિવસોથી અગસ્ત્ય નતાશાની ઈન્સ્ટા સ્ટોરીમાં જોવા મળ્યો નથી જેના પછી ચાહકો અનુમાન લગાવી રહ્યા છે કે અગસ્ત્ય કદાચ હવે તેના પિતા હાર્દિક પંડ્યા સાથે રહે છે. જોકે, આ અંગે કોઈ પુષ્ટિ થઈ નથી.
ક્રિપ્ટિક પોસ્ટ જોયા બાદ ચાહકો મૂંઝવણમાં
તો બીજી તરફ નતાશા સ્ટેનકોવિકની ક્રિપ્ટિક પોસ્ટ ખૂબ વાયરલ થઈ રહી છે. આ પોસ્ટમાં અભિનેત્રીએ કંઈક એવું શેર કર્યું છે જેને ચાહકો સમજી શકતા નથી. નતાશાએ તેના ઇન્સ્ટાગ્રામ પર એક વીડિયો શેર કર્યો છે જેમાં તે કારમાં બેઠેલી જોવા મળી રહી છે. આ વીડિયોને શેર કરતી વખતે તેણે એક ક્રિપ્ટિક પોસ્ટ લખી, ‘John 13:7’ પોસ્ટમાં લખ્યું છે કે તમે અત્યારે નહીં સમજી શકો પરંતુ થોડા સમય પછી તમને સમજાઈ જશે.
આ પોસ્ટ શેર કરતી વખતે નતાશા સ્ટેનકોવિક ખૂબ જ ખુશ દેખાઈ રહી છે. તેને જોઈને અનુમાન લગાવવામાં આવી રહ્યું છે કે તેણે ફેન્સને કોઈ સવાલ પૂછ્યો છે. સાથે જ તે કહેવાનો પ્રયાસ કરી રહી છે કે થોડા સમય પછી લોકો ‘જ્હોન 13:7’ નો અર્થ સમજી જશે. બસ, સમય જ કહેશે કે નતાશા તેની પોસ્ટ દ્વારા ફેન્સને શું સંદેશ આપવા માંગે છે.
લગ્નના 4 વર્ષ પછી અલગ થઈ ગયા
નતાશા સ્ટેનકોવિક અને હાર્દિક પંડ્યાએ લગ્નના 4 વર્ષ બાદ અલગ થવાનો નિર્ણય લીધો છે. બંનેએ એક પોસ્ટ દ્વારા તેમના ચાહકોને સંદેશ આપ્યો હતો કે તેઓએ તેમના લગ્ન સમાપ્ત કરવાનો નિર્ણય લીધો છે. આ પોસ્ટે ચાહકોના દિલ તોડી નાખ્યા. છૂટાછેડા પછી જ નતાશા તેના પુત્ર અગસ્ત્ય સાથે સર્બિયા ગઈ હતી. હાર્દિક પંડ્યા આ દિવસોમાં બ્રિટિશ સિંગર જાસ્મીન વાલિયા સાથેના ડેટિંગના સમાચારને કારણે ચર્ચામાં છે.