ભારતીય ટીમે બાંગ્લાદેશ સામે ચેન્નાઈમાં રમાયેલી પ્રથમ ટેસ્ટ 280 રને જીતી હતી. ટીમે આ મેચ બાદ બીજી ટેસ્ટ માટે ટીમની જાહેરાત કરી દીધી છે. રોહિત શર્માના નેતૃત્વમાં ટીમે બીજી ટેસ્ટમાં કોઈ ફેરફાર કર્યો નથી. ભારત અને બાંગ્લાદેશ વચ્ચે બીજી ટેસ્ટ 27 સપ્ટેમ્બરથી કાનપુરમાં રમાશે. ફાસ્ટ બોલર જસપ્રીત બુમરાહને લઈને એવી અટકળો ચાલી રહી હતી કે તેને પ્રથમ મેચ બાદ આરામ આપવામાં આવશે, પરંતુ આવું થયું નથી.
BCCIએ બીજી ટેસ્ટ માટે કરી ટીમની જાહેરાત
ચેન્નાઈ ટેસ્ટમાં ટીમ ઈન્ડિયાની જીત બાદ ભારતીય ક્રિકેટ કંટ્રોલ બોર્ડ (BCCI)એ કાનપુરમાં રમાનારી બીજી ટેસ્ટ માટે ટીમ ઈન્ડિયાની જાહેરાત કરી છે. BCCIએ ભારતની જીત બાદ તરત જ બીજી ટેસ્ટ માટે ટીમ ઈન્ડિયાની જાહેરાત કરી હતી. તમને જણાવી દઈએ કે ભારત અને બાંગ્લાદેશ વચ્ચે બીજી ટેસ્ટ મેચ 27 સપ્ટેમ્બરથી કાનપુરમાં રમાશે. પુરુષોની પસંદગી સમિતિએ બાંગ્લાદેશ સામેની બે મેચની ટેસ્ટ શ્રેણીની બીજી અને અંતિમ ટેસ્ટ માટે આ જ ટીમને જાળવી રાખી છે. બીસીસીઆઈએ પ્રથમ ટેસ્ટ માટે ટીમમાં કોઈ ફેરફાર કર્યો નથી. બીજી ટેસ્ટ માટે પણ 16 સભ્યોની ટીમ છે.
બીજી ટેસ્ટ માટે ટીમ ઈન્ડિયા
રોહિત શર્મા (કેપ્ટન), શુભમન ગિલ, વિરાટ કોહલી, કેએલ રાહુલ, સરફરાઝ ખાન, રિષભ પંત (વિકેટકીપર), ધ્રુવ જુરેલ, આર અશ્વિન, રવિન્દ્ર જાડેજા, અક્ષર પટેલ, કુલદીપ યાદવ, મોહમ્મદ સિરાજ, આકાશ દીપ, જસપ્રીત બુમરાહ, યશ દયાલ.
ભારતે 280 રને જીતી પ્રથમ ટેસ્ટ
ચેન્નાઈમાં રમાયેલી પ્રથમ ટેસ્ટમાં ટીમ ઈન્ડિયાએ ચોથા દિવસે 280 રનથી જીત મેળવી હતી. આ મેચમાં ભારતે પ્રથમ રમત રમીને અશ્વિનની શાનદાર સદીની મદદથી પ્રથમ દાવમાં 376 રન બનાવ્યા હતા. જવાબમાં બાંગ્લાદેશની ટીમ પ્રથમ દાવમાં માત્ર 149 રન જ બનાવી શકી હતી. આ પછી બીજા દાવમાં ભારત તરફથી શુભમન ગિલ અને રિષભ પંતે સદી ફટકારી હતી. ભારતે 287 રન પર ઇનિંગ્સ ડિકલેર કરી હતી અને બાંગ્લાદેશને 515 રનનો વિશાળ ટાર્ગેટ આપ્યો હતો. જવાબમાં મુલાકાતી ટીમ 234 રનમાં સમેટાઈ ગઈ હતી. અશ્વિને બીજી ઇનિંગમાં પણ ભારત માટે 6 વિકેટ ઝડપી હતી. ચોથી વખત તેણે ટેસ્ટમાં સદી અને 5+ વિકેટ ઝડપી હતી.
