શું ઐશ્વર્યા રાય-અભિષેક બચ્ચનના સંબંધોનો અંત નક્કી? IIFA એવોર્ડમાં થયો મોટો ખુલાસો

હાલમાં યુએઈના અબુ ધાબીમાં IIFA એવોર્ડ 2024 ઈવેન્ટનું આયોજન કરવામાં આવ્યું છે. આ વખતે આ ઈવેન્ટ 3 દિવસ સુધી ચાલશે. 27 સપ્ટેમ્બર 2024 ના રોજ IIFA ઉત્સવમનું આયોજન કરવામાં આવ્યું હતું જેમાં સાઉથ ઈન્ડસ્ટ્રીના કલાકારોનું સન્માન કરવામાં આવ્યું હતું.

બચ્ચન પરિવારે આઈફા એવોર્ડમાં હાજરી આપી ન હતી

આ ઈવેન્ટમાં પૂર્વ મિસ વર્લ્ડ અને બોલીવુડ એક્ટ્રેસ ઐશ્વર્યા રાય પણ પહોંચી હતી. ઐશ્વર્યા રાયને તમિલ ફિલ્મ ‘પોનીયિન સેલવાન 2’ માટે બેસ્ટ અભિનેત્રીનો એવોર્ડ મળ્યો છે. આ પ્રસંગે ઐશ્વર્યા રાયની પુત્રી આરાધ્યા બચ્ચન પણ જોવા મળી હતી. જોકે, ઐશ્વર્યા સાથે તેના પતિ અભિષેક બચ્ચન જોવા મળ્યા ન હતા.

ઐશ્વર્યા રાય સાથે ન દેખાયો અભિષેક બચ્ચન

એટલું જ નહીં, આ વખતે બચ્ચન પરિવારના કોઈ સભ્યએ આઈફા એવોર્ડ સમારોહમાં હાજરી આપી નથી. આ ઇવેન્ટમાં ઐશ્વર્યા રાય તેની પુત્રી આરાધ્યા સાથે જોવા મળી હતી. આવી સ્થિતિમાં ફરી એકવાર એ વાતે જોર પકડ્યું છે કે બચ્ચન પરિવાર સાથે ઐશ્વર્યા રાયના સંબંધો બગડ્યા છે.

બચ્ચન પરિવાર આપે છે IIFA એવોર્ડ સમારોહમાં હાજરી

તમને જણાવી દઈએ કે આ પહેલા ઐશ્વર્યા રાય દર વર્ષે IIFA એવોર્ડ સમારોહમાં તેના સસરા એટલે કે અમિતાભ બચ્ચન અને સાસુ જયા બચ્ચન સાથે હાજરી આપતી હતી. ઐશ્વર્યા રાયનો પતિ અભિનેતા અભિષેક બચ્ચન પણ તેની પત્ની સાથે આ કાર્યક્રમમાં આવતો હતો.

આરાધ્યા સાથે જોવા મળી ઐશ્વર્યા રાય

આ વખતે ઐશ્વર્યા રાયે તેની પુત્રી આરાધ્યા સાથે IIFA એવોર્ડ 2024 ઈવેન્ટમાં હાજરી આપી હતી જેને જોઈને લોકો અનુમાન લગાવી રહ્યા છે કે અભિષેક બચ્ચન અને ઐશ્વર્યા રાય ટૂંક સમયમાં છૂટાછેડા લેવા જઈ રહ્યા છે અને બંનેએ હવેથી અલગ રહેવાનું શરૂ કરી દીધું છે. જોકે, આ અંગે ઐશ્વર્યા રાય કે બચ્ચન પરિવાર તરફથી કોઈ સત્તાવાર નિવેદન બહાર આવ્યું નથી. ઐશ્વર્યા અને અભિષેકે તેમના લગ્નની વીંટી બતાવી છે અને લોકોને કહ્યું છે કે તેઓ હજુ પરિણીત છે. જોકે, છૂટાછેડા અંગે કોઈ વાત થઈ નથી.