હવામાન વિભાગની મોટી આગાહી, ગુજરાત સહિત આ રાજ્યોમાં થશે ભારે વરસાદ

ચોમાસાના અંતમાં ઘણા રાજ્યોમાં વરસાદ પડી રહ્યો છે. છેલ્લા 24 કલાકમાં ઓડિશા, આસામ, મેઘાલય, તટીય કર્ણાટકના વિસ્તારો, કર્ણાટકના દક્ષિણ ભાગો, તમિલનાડુ, પુડુચેરી અને કરાઈકલમાં ભારે વરસાદ થયો છે. હવામાન વિભાગના જણાવ્યા અનુસાર કેરળ, માહે, તમિલનાડુ, કર્ણાટક અને લક્ષદ્વીપમાં 8 અને 9 ઓક્ટોબરે ભારે વરસાદની સંભાવના છે.

આ રાજ્યામાં વરસાદની આગાહી

હવામાન વિભાગના જણાવ્યા અનુસાર 8 થી 10 ઓક્ટોબર દરમિયાન ગુજરાત, મધ્યપ્રદેશ અને મહારાષ્ટ્રના વિવિધ જિલ્લાઓમાં વરસાદની સંભાવના છે. આ સિવાય દિલ્હી, નોઈડા, ગુરુગ્રામ, ફરીદાબાદ સહિત NCRમાં આગામી કેટલાક દિવસો સુધી વાતાવરણ સ્વચ્છ રહેશે. દિવસ દરમિયાન તીવ્ર સૂર્યપ્રકાશ રહેશે અને સવારે અને સાંજે તાપમાન સામાન્ય કરતા 2 ડિગ્રી ઓછું રહેવાની ધારણા છે. આ પછી NCRમાં 15 ઓક્ટોબરથી હળવી ઠંડી ધીમે ધીમે પડવાનું શરૂ થશે.

આ સ્થળોએ ચક્રવાતની ચેતવણી

હવામાન વિભાગના જણાવ્યા અનુસાર, દક્ષિણ કેરળ અને તેની આસપાસના વિસ્તારોમાં દક્ષિણ પશ્ચિમ બંગાળની ખાડીથી લઈને દક્ષિણમાં લક્ષદ્વીપ સુધી સાયક્લોનિક સર્ક્યુલેશનની શક્યતા છે. આ સિવાય તમિલનાડુ, દક્ષિણ કેરળ, દક્ષિણપૂર્વ અને પૂર્વ મધ્ય અરબી સમુદ્ર પર ચક્રવાત સર્જાય છે. હવામાન વિભાગના જણાવ્યા અનુસાર દિલ્હીમાં હાલ ભેજનું પ્રમાણ યથાવત રહેશે. આ સિવાય મુંબઈમાં આગામી એક સપ્તાહ સુધી વરસાદની સંભાવના છે.

45 કિમી પ્રતિ કલાકની ઝડપે પવન ફૂંકાશે

હવામાન વિભાગના જણાવ્યા અનુસાર, માલદીવના ઘણા ભાગો, લક્ષદ્વીપ વિસ્તારો અને નજીકના કોમોરિન વિસ્તારમાં, દક્ષિણ-પૂર્વમાં 45 થી 55 કિમી પ્રતિ કલાકની ઝડપે પવન ફૂંકાવાની અપેક્ષા છે. આ ઉપરાંત અરબી સમુદ્રમાં, કેરળના કિનારે, મન્નારની ખાડી, ઉત્તર તમિલનાડુના કાંઠા અને દક્ષિણ પશ્ચિમ બંગાળની ખાડીમાં 45 કિમી પ્રતિ કલાકની ઝડપે ભારે પવન ફૂંકાશે.