વિધાનસભા ચૂંટણીમાં સ્પષ્ટ બહુમતી મળ્યા બાદ ભાજપ સરકાર બનાવવાની તૈયારીઓ શરૂ કરી દીધી છે. ચંદીગઢથી દિલ્હી સુધી સરકાર બનાવવાની તૈયારીઓ શરૂ થઈ ગઈ છે. ભાજપના પ્રભારી ધર્મેન્દ્ર પ્રધાન, સહ પ્રભારી બિપ્લબ કુમાર દેબે પૂર્વ સીએમ મનોહર લાલના ઘરે બેઠક યોજી હતી. પીએમ નરેન્દ્ર મોદી અને ભાજપ અધ્યક્ષ જેપી નડ્ડાએ પણ સીએમ સૈની સાથે વાત કરી હતી.
12 ઓક્ટોબરે શપથ
મળતી માહિતી અનુસાર સીએમ નાયબ સિંહ સૈની 12 ઓક્ટોબરે શપથ લઈ શકે છે. સીએમ પદ માટે નાયબ સિંહ સૈનીના નામ પર કોઈ શંકા જ નથી. ભલે કેન્દ્રીય મંત્રી રાવ ઈન્દ્રજીત અને પૂર્વ ગૃહમંત્રી અનિલ વિજ મુખ્યમંત્રી પદ માટે દાવેદારી કરી રહ્યા છે.
કેન્દ્રીય મંત્રી મનોહર લાલે શું કહ્યું?
હરિયાણામાં જીત મેળવ્યા બાદ કેન્દ્રીય મંત્રી મનોહર લાલે કહ્યું કે, હાઈકમાન્ડ અને ગૃહમંત્રીએ આ સંબંધમાં પહેલાથી જ જાહેરાત કરી દીધી છે કે, નાયબ સિંહ સૈની સીએમ બનશે. હરિયાણામાં ત્રીજી વખત સરકાર બનવાની સાથે જ કેબિનેટના ચહેરા પર પણ ચર્ચા શરૂ થઈ ગઈ છે. જૂની સૈની સરકારના આઠ મંત્રીઓની હાર બાદ હવે કેબિનેટમાં મોટાભાગે નવા ચહેરા હશે તે નક્કી થયું છે. જેમાં પૂર્વ ગૃહમંત્રી અનિલ વિજ, મૂળ ચંદ શર્મા અને મહિપાલ ધાંડા મંત્રી બનશે તે નિશ્ચિત માનવામાં આવે છે.
ભાજપે 34 ચહેરા ઉતાર્યા, 20 જીત્યા
આ વખતે ભાજપે 34 નવા ચહેરાઓને ચૂંટણીમાં ઉતાર્યા છે. જેમાંથી 20 ચહેરાઓ જીત્યા, જ્યારે 14 ઉમેદવારો હારી ગયા. જ્યારે 12 બેઠકો ભાજપે કોંગ્રેસ પાસેથી છીનવી લીધી છે. જેમાં કોંગ્રેસના ઉમેદવાર પ્રદીપ ચૌધરીની બેઠક પર ભાજપના શક્તિરાણી શર્મા, નીરજ શર્માની બેઠક પર સતીશ ફાગના, શમશેર સિંહ ગોગીની બેઠક પર યોગેન્દ્ર રાણા, બિશનલાલ સૈની બેઠક પર શ્યામ સિંહ રાણા, જગબીર સિંહ મલિકની બેઠક પર અરવિંદ શર્માનો સુભાષ ગાંગોલીની બેઠક પર રામ કુમાર ગૌતમ, સુરેન્દ્ર પંવારની બેઠક પર નિખિલ મદાન, જયવીર સિંહની બેઠક પર પવન ખરખોડા, ધર્મસિંહ છૌકરની બેઠક પર મનમોહન ભડાના, મેવા સિંહની બેઠક પર નાયબ સિંહ સૈની અને રાવ દાન સિંહની બેઠક પર કંવર સિંહ યાદવનો વિજય થયો હતો.
Source link
