તહેવારોની સિઝનમાં ફરી એકવાર સામાન્ય જનતા પર મોંઘવારીનો માર સહન કરવાની નોબત આવી છે. સપ્ટેમ્બરમાં ભારતની ખાદ્યતેલોની આયાત વાર્ષિક આધારે 29 ટકા ઘટીને 10,64,499 ટન રહી ગઈ હતી. કાચા અને રિફાઈન્ડ પામતેલની આયાત ઓછી રહેવાથી ખાદ્યેતલમાં ઘટાડો આવ્યો છે. ઉદ્યોગના આંકડાઓથી આ જાણકારી સામે આવી છે. ગત વર્ષે આ મહિનામાં ખાદ્યતેલોની આયાત 14,94,086 ટન હતી.
કિંમત એટલી વધી ગઈ છે
રિટેલ માર્કેટમાં તેલના ભાવમાં 10 ટકા સુધીનો વધારો થયો છે. સરસવના તેલમાં સૌથી વધુ વધારો જોવા મળી રહ્યો છે. સોયાબીન અને સૂર્યમુખી તેલના ભાવમાં પણ છેલ્લા કેટલાક સમયથી વધારો જોવા મળી રહ્યો છે. નિષ્ણાતોના મતે આગામી કેટલાક સમયમાં તેલની કિંમતોમાં વધારો જોવા મળી શકે છે. બીજી તરફ તહેવારોની સિઝનના કારણે દેશમાં ખાદ્યતેલની માંગમાં સુધારો જોવા મળી રહ્યો છે. જેના કારણે ઓક્ટોબરમાં પામ ઓઈલની આયાત 7 લાખ ટનને વટાવી શકે છે.
મળતી માહિતી અનુસાર, સપ્ટેમ્બર માટે વનસ્પતિ તેલ (ખાદ્ય અને અખાદ્ય બંને)ના આયાત ડેટા જાહેર કર્યા છે. સપ્ટેમ્બરમાં બિન-ખાદ્ય તેલની આયાત વાર્ષિક ધોરણે 57,940 ટનથી ઘટીને 22,990 ટન થઈ છે. ડેટા અનુસાર સપ્ટેમ્બરમાં વનસ્પતિ તેલની આયાત 30 ટકા ઘટીને 10,87,489 ટન થઈ છે જે એક વર્ષ અગાઉ 15,52,026 ટન હતી.
જેના કારણે વેચાણમાં ઘટાડો થયો છે
મળતી માહિતી અનુસાર, ખાદ્યતેલ શ્રેણીમાં, ક્રૂડ પામ ઓઈલની આયાત આ વર્ષે સપ્ટેમ્બરમાં ઘટીને 4,32,510 ટન થઈ છે, જે ગયા વર્ષના સમાન મહિનામાં 7,05,643 ટન હતી. બીજી તરફ રિફાઈન્ડ પામ ઓઈલની આયાત 1,28,954 ટનથી ઘટીને 84,279 ટન થઈ છે. ક્રૂડ સનફ્લાવર ઓઈલની આયાત પણ 3,00,732 ટનથી ઘટીને 1,52,803 ટન થઈ છે. SEA એ જુલાઈ-ઓગસ્ટ દરમિયાન વધારાની આયાત અને માંગના અભાવને કારણે આયાતમાં ઘટાડાનું કારણ આપ્યું હતું. આવી સ્થિતિમાં બંદરો પર સ્ટોક વધ્યો હતો. આ ઉપરાંત ભાવની વધઘટને કારણે આયાતકારો સાવધ બન્યા છે.
