‘સ્વરાગિની’ ફેમ એક્ટર નમિશ તનેજા પર દુ:ખનો પહાડ તૂટી પડ્યો છે. એક્ટરના ઘરે શોકનો માહોલ હતો. એક્ટર નમિશ તનેજાના પિતા વિક્રમ તનેજાનું નિધન થયું હતું.
વિક્રમ તનેજાએ 12મી ઓક્ટોબરે એટલે કે દશેરાના દિવસે અંતિમ શ્વાસ લીધા હતા. તમને જણાવી દઈએ કે, નમિશ તનેજાના પિતા પણ તેમના જેવા જ એક્ટર હતા. વિક્રમ તનેજાનું પણ મૃત્યુ થયું જ્યારે તે રામલીલામાં પરફોર્મ કરી રહ્યા હતા. ત્યારે તેમને હાર્ટ એટેક આવ્યો હતો.
એક્ટરને તેના પિતાના મૃત્યુના સમાચાર શૂટિંગ દરમિયાન મળ્યા
એવું કહેવામાં આવી રહ્યું છે કે જ્યારે નમિશ તનેજાના પિતા વિક્રમ તનેજા દિલ્હીમાં રામલીલામાં પરફોર્મ કરી રહ્યા હતા ત્યારે તેમને હાર્ટ એટેક આવ્યો હતો. તે દરમિયાન નમિશ દિલ્હીમાં નહીં પરંતુ મુંબઈમાં હતો. જ્યારે એક્ટરને તેના પિતાના નિધનના સમાચાર મળ્યા ત્યારે તે તેના શો ‘મિશ્રી’નું શૂટિંગ કરી રહ્યો હતો. આ દુખદ સમાચાર મળતાં જ તે તરત જ દિલ્હી પહોંચ્યો જેથી આ મુશ્કેલ સમયમાં પરિવારની સંભાળ રાખી શકે. એક્ટર માટે પણ આ સમય ઘણો મુશ્કેલ છે. પિતાને ગુમાવ્યા બાદ અભિનેતાનું દિલ તૂટી ગયું છે.
પિતાના અવસાનથી અભિનેતાનું જીવન ભાંગી પડ્યું
નમિશે તેના પિતાના નિધન બાદ મીડિયા સાથે ખુલીને વાત કરી છે અને પોતાનું દુઃખ વ્યક્ત કર્યું છે. નમિશ કહે છે કે આ તેના જીવનના સૌથી ખરાબ દિવસો છે. નમિશે કહ્યું કે ‘મેં માત્ર મારા પિતાને જ ગુમાવ્યા નથી, પરંતુ મારા દિલ અને આત્માનો એક ટુકડો પણ ગુમાવ્યો છે. આપણે બધાએ એક દિવસ આ દુનિયા છોડી દેવી છે એ જાણતા હોવા છતાં આ કડવી વાસ્તવિકતાને સ્વીકારવી અસહ્ય લાગે છે. આ સમયે હું સુન્ન અને હારી ગયો છું. મને ખબર નથી કે તેમના વિના કેવી રીતે આગળ વધવું. તેઓ માત્ર મારા પિતા જ નહોતા, તેઓ મારા બેસ્ટ ફ્રેન્ડ, મારી ગાઈડિંગ લાઈન પણ હતા.
પિતાના નિધનના સમાચાર મળતા જ નમિષ તનેજા ધ્રૂજવા લાગ્યો
એક્ટરે ખુલાસો કર્યો છે કે તેના પિતા દર વર્ષે રામલીલામાં ભાગ લેતા હતા અને કુંભકરણ અને દશરથ જેવા શક્તિશાળી પાત્રો ભજવતા હતા. નમિશ તનેજાને તેના પિતાના પર્ફોર્મન્સ જોઈને આનંદ થતો અને ગર્વ પણ અનુભવતો. નમિશ તનેજાએ એવો પણ ખુલાસો કર્યો હતો કે જ્યારે તેને શૂટિંગ દરમિયાન આ દુખદ સમાચાર મળ્યા ત્યારે તેની દુનિયા વેરવિખેર થઈ ગઈ હતી. આ દુર્ઘટના પછી તે હેલ્પલેસ ફીલ કરી રહ્યો હતો. તેનું દિલ દુઃખી રહ્યું હતું અને તેના હાથ ધ્રૂજી રહ્યા હતા, પરંતુ તેણે તેની માતા અને પરિવારની સંભાળ રાખવા માટે પોતાને મજબૂત બનાવ્યો. પરંતુ હજુ એક મુશ્કેલ જર્ની બાકી છે અને તેઓ જાણતા નથી કે આ મોટા નુકસાનમાંથી કેવી રીતે બહાર નીકળવાનું છે.
