આ દિવસોમાં પાકિસ્તાન ક્રિકેટ ટીમ ઈંગ્લેન્ડ સામે ઘરઆંગણે 3 ટેસ્ટ મેચની સિરીઝ રમી રહી છે. ઇંગ્લેન્ડે પ્રથમ ટેસ્ટ મેચ જીતી હતી, જ્યારે બીજી મેચમાં પાકિસ્તાને શાનદાર વાપસી કરીને સિરીઝ 1-1થી બરાબર કરી હતી. હવે સિરીઝની અંતિમ ટેસ્ટ મેચ 24 ઓક્ટોબરે રમાશે. આ મેચ પહેલા પાકિસ્તાનની ટીમને મોટો ઝટકો લાગ્યો છે. ટીમનો સ્ટાર ખેલાડી મીર હમઝા ઈજાગ્રસ્ત થયો છે.
પાકિસ્તાનને મોટો ફટકો!
રાવલપિંડીમાં રમાનારી ત્રીજી ટેસ્ટ મેચ પહેલા યજમાન પાકિસ્તાન સખત મહેનત કરી રહ્યું છે. તે કોઈપણ કિંમતે સિરીઝ પોતાના નામે કરવા માંગે છે. પરંતુ છેલ્લી મેચ પહેલા 22 ઓક્ટોબરે પાકિસ્તાને મેદાન પર ઘણો પરસેવો વહાવ્યો હતો. ઝડપી બોલર મીર હમઝા પ્રેક્ટિસ સેશનમાં ભાગ લઈ શક્યો ન હતો. એક રિપોર્ટ અનુસાર, મીર હમઝાને જમણા હિપમાં ઈજા છે. મીર હમઝાએ 3 કલાક સુધી ચાલેલા સત્રમાં ભાગ લીધો ન હતો. તે ટ્રેનિંગ અને બોલિંગ કરતો જોવા મળ્યો ન હતો. પ્રેકટિસ સેશનની શરૂઆતમાં, તે ફિઝિયોથેરાપિસ્ટ ક્લિફ ડેકોનની દેખરેખ હેઠળ ફિલ્ડ પર ચાલતો અને રેઝિસ્ટન્સ બેન્ડ સાથે ગ્લુટ એક્સરસાઇઝ કરતો જોવા મળ્યો હતો.
32 વર્ષીય હમઝા ઈંગ્લેન્ડ સામે રમાયેલી 2 ટેસ્ટ મેચમાં પ્લેઈંગ ઈલેવનમાં સ્થાન મેળવી શક્યો ન હતો. જો કે પિચ પ્રમાણે તેને ત્રીજી મેચમાં જગ્યા મળી શકી હોત. બીજી તરફ ઈંગ્લેન્ડે ત્રીજી ટેસ્ટ માટે તેની પ્લેઈંગ ઈલેવનની જાહેરાત કરી છે જ્યારે પાકિસ્તાને તેની પ્લેઈંગ ઈલેવનની જાહેરાત કરી નથી. 32 વર્ષના મીર હમઝાએ વર્ષ 2018માં પાકિસ્તાન માટે ડેબ્યૂ કર્યું હતું. તેણે તેની છેલ્લી ટેસ્ટ મેચ બાંગ્લાદેશ સામે રમી હતી. હમઝાએ પાકિસ્તાન માટે અત્યાર સુધી 6 ટેસ્ટ મેચમાં 12 વિકેટ લીધી છે.
ઈંગ્લેન્ડે ત્રીજી ટેસ્ટ માટે પ્લેઈંગ ઈલેવનની જાહેરાત કરી
જેક ક્રોલી, બેન ડકેટ, ઓલી પોપ, જો રૂટ, હેરી બ્રુક, બેન સ્ટોક્સ (કેપ્ટન), જેમી સ્મિથ (વિકેટકીપર), ગુસ એટકિન્સન, રેહાન અહેમદ, જેક લીચ, શોએબ બશીર.
