ધંધૂકા : અમદાવાદ જિલ્લાના ધંધૂકા ફેદરા માર્ગ પર શનિવારે સવારે બાઇક પર જઈ રહેલા એક વ્યક્તિને પાછળથી આવી રહેલી કારે ટક્કર મારી અકસ્માત સર્જ્યો હતો. અકસ્માતમાં બાઇક ચાલક ગંભીર રીતે ઘાયલ થયો હતો.
જ્યારે કાર ચાલક અકસ્માત કરી ફરાર થયો હતો. ફેદરા ગામ નજીક સવારે ભુપતભાઇ જીકોદરા ઉ.વ.48 રહે. યમુનાપાર્ક, ડાભોલી, સુરત ફેદરાથી ધંધુકા તરફ્ જઈ રહ્યા હતા. ત્યારે પાછળથી પુરઝડપે આવતી કારે હડફેટે લઈ અકસ્માત સર્જ્યો હતો. અકસ્માતની જાણ થતાં 108 ફેદરાના ઈએમટી પરસોત્તમભાઈ અને પાયલોટ સહદેવસિંહ ગોહિલે ઘટના સ્થળે પહોંચી ગંભીર રીતે ઈજાગ્રસ્ત બાઇક ચાલકને ધંધૂકા હોસ્પિટલ ખાતે લઈ ગયા હતા. જ્યાં પ્રાથમિક સારવાર બાદ અમદાવાદ ખાતે વધુ સારવાર માટે ખસેડવામાં આવ્યા હતા.
Source link
