ભારત અને ઓસ્ટ્રેલિયા વચ્ચે બોર્ડર ગાવસ્કર ટ્રોફીની ચોથી ટેસ્ટ મેચ મેલબોર્નમાં રમાઈ હતી. ઓસ્ટ્રેલિયાએ આ મેચ 184 રનથી જીતીને સિરીઝમાં 2-1ની લીડ મેળવી લીધી છે. હવે આ મેચમાં થર્ડ અમ્પાયરના ઘણા નિર્ણયો પર ગંભીર સવાલો ઉઠી રહ્યા છે. ભારતીય ફેન્સનું માનવું છે કે મેલબોર્નમાં ટીમ ઈન્ડિયાની હારનું કારણ થર્ડ અમ્પાયર હતો.
થર્ડ અમ્પાયર પર કેમ ઉઠી રહ્યા છે સવાલ?
પેટ કમિન્સની ઓવરમાં, થર્ડ અમ્પાયરે યશસ્વી જયસ્વાલને આઉટ આપ્યો, જે ખૂબ જ આશ્ચર્યજનક હતું. પેટ કમિન્સની આ ઓવરમાં જયસ્વાલે મોટો શોટ રમવાનો પ્રયાસ કર્યો હતો, પરંતુ બોલ વિકેટકીપર એલેક્સ કેરીના હાથમાં ગયો હતો, પરંતુ અપીલ બાદ ફિલ્ડ અમ્પાયરે તેને નોટ આઉટ આપ્યો હતો, ત્યારબાદ થર્ડ અમ્પાયરે ચુકાદો આપ્યો હતો કે કોઈ સ્પાઈક નથી.
આ પછી પણ જયસ્વાલને આઉટ કરવામાં આવ્યો હતો. વાસ્તવમાં બેટ અને ગ્લોવમાંથી પસાર થતી વખતે બોલનું ડિફ્લેક્શન થયું હતું પરંતુ સ્નિકો મીટર પર કોઈ રીડિંગ ન હતું. તેમ છતાં અમ્પાયરે જયસ્વાલને આઉટ જાહેર કર્યો હતો. જેના પર અનેક સવાલો ઉઠી રહ્યા છે.
બીસીસીઆઈના ઉપાધ્યક્ષની પ્રતિક્રિયા આવી સામે
યશસ્વી જયસ્વાલની વિવાદાસ્પદ વિકેટ પર બીસીસીઆઈના ઉપાધ્યક્ષ રાજીવ શુક્લાએ ટ્વીટ કર્યું કે “યશસ્વી જયસ્વાલ સ્પષ્ટ રીતે નોટઆઉટ હતો. થર્ડ અમ્પાયરે ટેક્નોલોજી શું સૂચન કરી રહી છે તેના પર ધ્યાન આપવું જોઈએ. ફિલ્ડ અમ્પાયરના નિર્ણય માટે ત્રીજા અમ્પાયર પાસે નક્કર કારણો હોવા જોઈએ.”
ગાવસ્કરે વ્યક્ત કરી હતી નારાજગી
યશસ્વી જયસ્વાલની વિકેટ પર પૂર્વ ભારતીય દિગ્ગજ સુનીલ ગાવસ્કરે નારાજગી વ્યક્ત કરતા કહ્યું કે “આ અમ્પાયરોનો સંપૂર્ણ ખોટો નિર્ણય છે. તે સ્પષ્ટપણે નોટઆઉટ છે. અમ્પાયરોનો તદ્દન ખોટો નિર્ણય.” તેમને કહ્યું, “જો ડિફ્લેક્શન દૃશ્યમાન ન હોય તો, ડિફ્લેક્શન દૃશ્યમાન હોય કે ન હોય, તે એક ઓપ્ટિકલ ઈલ્યૂશન હોઈ શકે છે. શા માટે તમે ટેક્નોલોજીનો ઉપયોગ કરો છો, તમે ટેક્નોલોજીનો ઉપયોગ કરો છો જેથી કરીને ડિફ્લેક્શન દેખાય પણ લાઈન એકદમ સીધી દેખાઈ રહી છે.
