બોલિવુડના ઉભરતા અભિનેતા કાર્તિક આર્યન હાલમાં ફિલ્મોમાં પોતાની એક્ટિંગથી ધૂમ મચાવી રહ્યા છે. ફિલ્મ ભૂલ ભુલૈયાના બે ભાગોએ કાર્તિક આર્યનને અપેક્ષા મુજબ મોટી સફળતા અપાવી છે. લોકોને કાર્તિકની ફિલ્મ ભૂલ ભુલૈયા ખૂબ જ ગમી છે. તેમના પાત્ર રૂહ બાબાને એક અલગ જ ચાહક વર્ગ મળ્યો છે.
કાર્તિક આર્યને આર્મી ડે પર ‘ઝી રિયલ હીરોઝ એવોર્ડ્સ 2024’માં હાજરી આપી
તાજેતરમાં કાર્તિક આર્યને આપણા દેશના રિયલ હીરો સાથે ખૂબ ડાન્સ કર્યો, જેનો વીડિયો સોશિયલ મીડિયા પર પણ પોસ્ટ કરવામાં આવ્યો છે. કાર્તિક આર્યને આર્મી ડે પર ‘ઝી રિયલ હીરોઝ એવોર્ડ્સ 2024’માં હાજરી આપી હતી. અહીં તેમણે દેશના રિયલ હિરો સાથે એટલે કે ભારતીય સેનાના સૈનિકો સાથે ખૂબ ડાન્સ કર્યો હતો. કાર્તિકે આ વીડિયો તેના સોશિયલ મીડિયા હેન્ડલ ઇન્સ્ટાગ્રામ પર પણ શેર કર્યો છે જે હવે ખુબ જ વાયરલ થઈ રહ્યો છે. આ વીડિયોમાં કાર્તિક સેનાના જવાનો સાથે સ્ટેજ પર ડાન્સ કરતો જોવા મળે છે.
‘ચંદુ ચેમ્પિયન’ ફિલ્મમાં પોતાની તાકાત બતાવી
કાર્તિક આર્યનની એક્ટિંગ માત્ર કોમેડી પૂરતી મર્યાદિત નથી, પરંતુ તેણે ગંભીર ભૂમિકાઓમાં પણ કમાલ કરે છે. તેમણે 2024માં આવેલી ફિલ્મ ‘ચંદુ ચેમ્પિયન’માં ગંભીર ભૂમિકા ભજવી હતી. પોતાના અભિનયથી કાર્તિકે લોકોના દિલમાં ખાસ જગ્યા બનાવી છે. કાર્તિક એ જ ફિલ્મના ‘સત્યનાસ’ ગીત પર ડાન્સ કરતો જોવા મળ્યો હતો. તેની સાથે, સેનાના સૈનિકોએ પણ ખૂબ મજા કરી અને ખૂબ ડાન્સ કર્યો.
મુરલીકાંત પેટકરની ભૂમિકા નિભાવી હતી
કાર્તિક આર્યને વીડિયો સાથે એક કેપ્શન પણ લખ્યું છે. તેણે લખ્યું- રાષ્ટ્રના રિયલ ચેમ્પિયનોને સલામ. મને તમારી વચ્ચે હાજર રહીને, તમારા ચહેરા પર સ્મિત લાવીને અને આર્મી યુનિફોર્મ પહેરીને ફિલ્મ કરીને ખૂબ આનંદ થયો છે. આર્મી દિવસની શુભકામનાઓ. કાર્તિકે કબીર ખાનની ફિલ્મ ‘ચંદુ ચેમ્પિયન’માં મુરલીકાંત રાજારામ પેટકરના જીવનને પડદા પર ખૂબ જ શક્તિશાળી રીતે દર્શાવ્યું હતું. તેમની ફિલ્મને ખૂબ પસંદ કરવામાં આવી હતી, જોકે, આ ફિલ્મ બોક્સ ઓફિસ પર સારી કમાણી કરી શકી ન હતી.
