સૈફ અલી ખાન ઘરની સુરક્ષા પાછળ ખર્ચે છે કેટલા પૈસા?

બોલીવુડ એક્ટર સૈફ અલી ખાન હાલમાં હોસ્પિટલમાં દાખલ છે. તેના પર તીક્ષ્ણ હથિયારથી હુમલો કરવામાં આવ્યો હતો. આ હુમલો ત્યારે થયો જ્યારે સૈફ અને તેનો પરિવાર મુંબઈના બાંદ્રા સ્થિત તેમના ઘરમાં સૂતો હતો. રાત્રે લગભગ 2.30 વાગ્યે એક અજાણ્યો વ્યક્તિ તેના ઘરમાં ઘૂસી ગયો.

ઝપાઝપી દરમિયાન તેને સૈફ અલી ખાન પર અનેક વાર હુમલો કર્યો. આ પછી, તેને લગભગ ત્રણ વાગ્યે મુંબઈની લીલાવતી હોસ્પિટલમાં લઈ જવામાં આવ્યા. બહાર આવેલા નિવેદનમાં કહેવામાં આવ્યું છે કે સૈફ પર છ પ્રહાર કરવામાં આવ્યા હતા, એક ગરદન પર અને બીજો કરોડરજ્જુ પાસે. આ બંને ઈજાઓ ગંભીર છે.

હવે સવાલ એ છે કે આટલી કડક સુરક્ષા હોવા છતાં કોઈ સૈફ અલી ખાનના ઘરમાં કેવી રીતે ઘુસી ગયું? સૈફ પોતાની અને પોતાના પરિવારની સુરક્ષા પાછળ કેટલા પૈસા ખર્ચે છે?

કરોડોના ઘરમાં રહે છે સૈફ અલી ખાન

બોલીવુડ એક્ટર સૈફ અલી ખાન અને તેની પત્ની કરીના કપૂર ખાન બાંદ્રાના સતગુરુ શરણ એપાર્ટમેન્ટમાં તેમના પરિવાર સાથે રહે છે. આ ઘર પ્રખ્યાત ઈન્ટિરિયર ડિઝાઈનર દર્શિની શાહ દ્વારા ડિઝાઈન કરવામાં આવ્યું છે. રિપોર્ટ મુજબ સૈફ જે બિલ્ડિંગમાં રહે છે, ત્યાં 3BHK ફ્લેટની કિંમત 10 કરોડ રૂપિયાથી વધુ હોઈ શકે છે. મીડિયા રિપોર્ટ મુજબ સૈફના એપાર્ટમેન્ટની કિંમત લગભગ 55 કરોડ રૂપિયા છે. આ વિસ્તારમાં એપાર્ટમેન્ટની કિંમત પ્રતિ ચોરસ ફૂટ રૂ. 50,000થી રૂ. 55,000 છે.

24 કલાક સિક્યોરિટી

સૈફ અલી ખાનના એપાર્ટમેન્ટમાં 24 કલાક સુરક્ષા હાજર રહે છે. આ સિવાય ઈમારતની આસપાસ સીસીટીવી કેમેરા પણ લગાવવામાં આવ્યા છે. સૈફના ઘરમાં તપાસ કર્યા વિના કોઈને પણ પ્રવેશવાની મંજૂરી નથી. કેટલાક રિપોર્ટ કહે છે કે સૈફ અલી ખાન તેના પરિવારની સુરક્ષા પાછળ લાખો રૂપિયા ખર્ચ કરે છે. આ સિવાય તેની પાસે ખાનગી બોડી ગાર્ડ્સ પણ છે, જે હંમેશા સૈફ અલી ખાન અને તેના પરિવારની સુરક્ષા માટે તૈનાત રહે છે.

સૈફ સુરક્ષા પાછળ કેટલો ખર્ચ કરે છે?

સૈફ અલી ખાનના બોડીગાર્ડના પગાર અને તેની સુરક્ષા પરના ખર્ચ વિશે કોઈ ચોક્કસ માહિતી નથી. પરંતુ મીડિયા રિપોર્ટ્સ મુજબ બોલીવુડ કલાકારો તેમના સુરક્ષા ગાર્ડ્સને કરોડો રૂપિયા પગાર તરીકે ચૂકવે છે. આમાં સૌથી વધુ પગાર કિંગ ખાન શાહરૂખ ખાનના બોડીગાર્ડ રવિનો છે. શાહરૂખ ખાન રવિને તેની સુરક્ષા માટે દર વર્ષે 3 કરોડ રૂપિયાનો પગાર આપે છે. આ પછી સલમાન ખાન તેના બોડીગાર્ડ શેરાને લગભગ 2 કરોડ રૂપિયાનો પગાર આપે છે. આના પરથી અંદાજ લગાવી શકાય છે કે સૈફ અલી ખાનની સુરક્ષા પાછળ દર વર્ષે કરોડો રૂપિયા ખર્ચવામાં આવશે.