WhatsAppનું આ નવું ફીચર બધી કૉલિંગ સુવિધાઓને એક જગ્યાએ એકસાથે લાવશે. વપરાશકર્તાઓ હવે અલગ અલગ સ્ક્રીન પર નેવિગેટ કર્યા વિના કોલ કે ડાયલરનો ઉપયોગ અને કોન્ટેક્ટ મેનેજ કરવા જેવા કાર્યો કરી શકે છે. કંપનીનો હેતુ Android અને iOS બંને યુઝર્સને કૉલિંગ નો સરખો અનુભવ સુનિશ્ચિત કરવાનો છે.
કૉલિંગને વધુ સ્માર્ટ બનાવવામાં આવ્યું
નવા કોલ ટેબમાં એક યુનિફાઇડ ઇન્ટરફેસ આપવામાં આવ્યું છે. અહીંથી, વપરાશકર્તાઓ ડાયલરમાંથી સીધો કૉલ કરી શકે છે, કૉલ શેડ્યૂલ કરી શકે છે અથવા નંબર ડાયલ કરી શકે છે. આ ફેરફાર કૉલિંગને ઝડપી અને સરળ બનાવશે.
આ રીતે કરો આ ફીચરનો ઉપયોગ
આ નવા ફીચરનો ઉપયોગ કરવા માટે વપરાશકર્તાઓને હવે ઉપરના જમણા ખૂણામાં “+” શોર્ટકટ બટન મળશે. જેનાથી તાત્કાલિક કૉલ શરૂ કરવાની મંજૂરી મળે છે, જેમાં એકસાથે 31 લોકો ઉમેરી શકાય છે. સાથે જ નવું શેડ્યૂલિંગ ફીચર ચેટ દ્વારા કૉલ્સનું પ્રી-પ્લાનિંગ અને વિગતો શેર કરવાની પણ મંજૂરી આપશે.
ડેડિકેટેડ ડાયલર અને બિઝનેસ એકાઉન્ટ વેરિફિકેશન
આ અપડેટમાં એક ડેડિકેટેડ ડાયલર પણ ઉમેરવામાં આવશે, જે કોઈ પણ WhatsApp નંબર પર કૉલ કરવા માટે કોન્ટેક્ટને સેવ કરવાની જરૂરિયાતને દૂર કરશે. બિઝનેસ એકાઉન્ટ્સમાં હવે વેરિફિકેશન બૈજ પણ હશે, જે યુઝર્સને એકાઉન્ટ અસલી છે કે નકલી તે સરળતાથી ઓળખવાની મંજૂરી આપશે.
આ સુવિધા છેતરપિંડી અટકાવવામાં મદદ કરશે. WhatsAppનું નવું કોલ હબ ફીચર કૉલિંગને સરળ, સુરક્ષિત અને સ્માર્ટ બનાવશે. આ અપડેટ નજીકના ભવિષ્યમાં બધા યુઝર્સ માટે રોલઆઉટ કરવામાં આવશે.
