અફઘાનિસ્તાને ઈન્ટરનેશનલ ક્રિકેટમાં મોટો ઉલટફેર કર્યો છે. અફઘાનિસ્તાને વનડે સિરીઝની પ્રથમ મેચમાં દક્ષિણ આફ્રિકાને 6 વિકેટથી હરાવ્યું છે. મહત્વની વાત એ છે કે અફઘાનિસ્તાને પહેલા દક્ષિણ આફ્રિકાને 106 રનના સ્કોર પર ઓલઆઉટ કરી દીધું હતું. આ પછી મેચ પણ 26 ઓવરમાં જીતી લીધી હતી. ફઝલહક ફારૂકી અને અલ્લાહ ગઝનફરે તેના માટે ઘાતક બોલિંગ કરી હતી. અફઘાનિસ્તાન તરફથી ગુલબદ્દીન નઈબે 34 રનની મહત્વપૂર્ણ ઇનિંગ રમી હતી. અફઘાનિસ્તાન અને દક્ષિણ આફ્રિકા વચ્ચેની આ મેચ શારજાહમાં રમાઈ હતી. આ પ્રથમ વખત છે જ્યારે અફઘાનિસ્તાને દક્ષિણ આફ્રિકા સામે વનડે મેચ જીતી છે.
106 રન પર ઓલ આઉટ થઇ દક્ષિણ આફ્રિકાની ટીમ
એડન માર્કરામની કપ્તાની હેઠળની આફ્રિકન ટીમ ટોસ જીતીને પ્રથમ બેટિંગ કરવા આવી હતી. આ દરમિયાન અફઘાનિસ્તાનના બોલરોએ તબાહી મચાવી દીધી હતી અને 33.3 ઓવરમાં 106 રનના સ્કોર પર ઓલઆઉટ થઈ ગઈ હતી. ટીમ માટે વિયાન મુલ્ડરે અડધી સદી ફટકારી હતી. તેણે સૌથી વધુ 52 રન બનાવ્યા. આ દરમિયાન તેણે 84 બોલનો સામનો કરીને 5 ચોગ્ગા અને એક છગ્ગો ફટકાર્યો હતો. આ સિવાય અન્ય કોઈ બેટ્સમેન કંઈ ખાસ કરી શક્યો ન હતો.
અફઘાનિસ્તાનના બોલરોએ તબાહી મચાવી દીધી
ફારૂકીએ 7 ઓવરમાં માત્ર 35 રન આપીને 4 વિકેટ લીધી હતી. તેણે મેડન ઓવર પણ નાખી હતી. અલ્લાહ ગઝનફરે 10 ઓવરમાં 20 રન આપીને 3 વિકેટ લીધી હતી. તેણે 2 મેડન ઓવર પણ નાખી હતી. રાશિદ ખાને 8.3 ઓવરમાં 30 રન આપીને 2 વિકેટ લીધી હતી. તેણે 2 મેડન ઓવર લીધી.
અફઘાનિસ્તાને દક્ષિણ આફ્રિકાને હરાવી ઇતિહાસ રચ્યો
અફઘાનિસ્તાને પ્રથમ વખત દક્ષિણ આફ્રિકાને હરાવ્યું છે. દક્ષિણ આફ્રિકાની ટીમ T20 વર્લ્ડ કપની ફાઇનલિસ્ટ રહી છે. દક્ષિણ આફ્રિકાની ટીમે શારજાહમાં અફઘાનિસ્તાન સામે આત્મસમર્પણ કર્યું. અફઘાનિસ્તાને દક્ષિણ આફ્રિકા દ્વારા આપવામાં આવેલ લક્ષ્ય માત્ર 26 ઓવરમાં હાંસલ કરી લીધું હતું. અફઘાનિસ્તાન તરફથી ગુલબદ્દીને અણનમ 34 રન બનાવ્યા હતા. અઝમતુલ્લાએ અણનમ 25 રન બનાવ્યા હતા.
