હાર્દિક પંડ્યા અને નતાશા સ્ટેનકોવિક એકબીજાથી અલગ થઈ ગયા છે. આ કપલે થોડા સમય પહેલા જ સોશિયલ મીડિયા પર અલગ થવાની જાહેરાત કરી હતી. સાથે જ નતાશા તેના પુત્ર સાથે તેના વતન ગઈ હતી. ત્યારે હવે થોડા દિવસો પહેલા જ નતાશા મુંબઈ પરત ફરી છે.
અભિનેત્રીએ મ્યુઝિક વીડિયોનો ફર્સ્ટ લુક પણ શેર કર્યો
હાર્દિક સાથે છૂટાછેડા બાદ નતાશા તેના કામ પર ધ્યાન કેન્દ્રિત કરી રહી છે. હાર્દિકથી અલગ થયા બાદ હવે નતાશાએ તેના નવા પ્રોજેક્ટની જાહેરાત કરી દીધી છે. સોશિયલ મીડિયા પર અભિનેત્રીએ તેના મ્યુઝિક વીડિયોનો ફર્સ્ટ લુક પણ શેર કર્યો છે.
નતાશા એક મ્યુઝિક વીડિયોમાં જોવા મળશે
નતાશા ટૂંક સમયમાં એક મ્યુઝિક વીડિયોમાં જોવા મળવાની છે. તેના આ વીડિયોનું નામ તેરે કરકે છે. આ પોસ્ટરમાં તે ગાયક પ્રીત ઈન્દર સાથે જોવા મળી રહી છે. ત્યારે લોકોને નતાશાનો લુક ઘણો પસંદ આવી રહ્યો છે.
નતાશાને મ્યુઝિક વીડિયોમાં જોવા ફેન્સ ઉત્સાહિત
પોસ્ટર શેર કરતી વખતે નતાશાએ લખ્યું – તેરે કરકેના બીટ પર ડાન્સ કરવા માટે તૈયાર થઈ જાઓ. આવતીકાલે ટીઝર રિલીઝ થવા જઈ રહ્યું છે. લાંબા સમય બાદ નતાશાને મ્યુઝિક વીડિયોમાં જોવા માટે ફેન્સ ખૂબ જ ઉત્સાહિત છે.
નતાશાની પોસ્ટ યુઝર્સે પ્રતિક્રિયા આપી
નતાશાની પોસ્ટ પર લોકો ઘણી કોમેન્ટ કરી રહ્યા છે. એક યુઝરે લખ્યું – તે હવે તેના બાળક માટે કામ કરી રહી છે. મજબૂત મહિલા. જ્યારે બીજાએ લખ્યું – મહેનતુ માતા. ખુબ ખુબ અભિનંદન. રોકતા રહો. એકે લખ્યું- બેસ્ટ ઓફ લક નતાશા, તમને ઈન્ડસ્ટ્રીમાં પાછા જોઈને ખુશી થઈ.
કુણાલે નતાશાની પોસ્ટ પર કર્યું રીએક્ટ
નતાશાની પોસ્ટ પર હાર્દિક પંડ્યાના ભાઈ કુણાલની કોમેન્ટે લોકોનું ધ્યાન ખેંચ્યું છે. કુણાલે નતાશાની પોસ્ટ પર હાર્ટ ઇમોજી પોસ્ટ કરી હતી. પિંકવિલાના રિપોર્ટ અનુસાર, નતાશા હવે તેના કામ પર સંપૂર્ણ ધ્યાન આપવા માંગે છે અને આ જ કારણ છે કે તે ભારત પરત આવી છે. તાજેતરમાં તે ચંદીગઢમાં એક ડાન્સ નંબરનું શૂટિંગ કરતી જોવા મળી હતી અને હાર્દિકથી અલગ થયા બાદ આ તેનો પહેલો પ્રોજેક્ટ હશે. તેણી હવે તેના કામ વિશે ખૂબ જ પસંદગીયુક્ત બની ગઈ છે અને તાજેતરના સમયમાં શ્રેષ્ઠ ડાન્સ નંબરોમાંથી એક બનાવવા માટે તેના તમામ પ્રયાસો કરી રહી છે.
