તેલંગાણા અને આંધ્રપ્રદેશમાં આવેલા પૂર બાદ સેલિબ્રિટી અને રાજકારણીઓએ કરી મદદ

મુશળધાર વરસાદ અને પૂરને કારણે તેલંગાણા અને આંધ્રપ્રદેશમાં ભારે તારાજી સર્જાઈ છે. હાલમાં બંને રાજ્યોમાં પૂર રાહત કાર્ય ચાલી રહ્યું છે. કુદરતી આફતના કારણે થયેલા નુકસાનના જવાબમાં સાઉથના ઘણા સ્ટાર્સ મુખ્યમંત્રી રાહત ફંડમાં ફાળો આપવા માટે આગળ આવ્યા છે. અલ્લુ અર્જુને રાહત પ્રયાસોને સમર્થન આપવા માટે 1 કરોડ રૂપિયાનું દાન આપ્યું છે. અસરગ્રસ્ત રાજ્યોની મદદ માટે પ્રભાસે 2 કરોડ રૂપિયાનું દાન પણ આપ્યું છે.

દક્ષિણ ફિલ્મ ઉદ્યોગના સ્ટાર્સ પણ મદદ માટે આવ્યા આગળ 

દેશના ઘણા રાજ્યોમાં ભારે વરસાદ ચાલુ છે અને આંધ્રપ્રદેશ-તેલંગાણામાં પૂર જેવી સ્થિતિ સર્જાઈ છે. NDRFની 26 ટીમો રાહત અને બચાવ કાર્યમાં લાગેલી છે. અત્યાર સુધીમાં 17 હજાર લોકોને બચાવીને સલામત સ્થળે મોકલવામાં આવ્યા છે. પરિસ્થિતિ એકદમ વિકટ છે. ઘણી ટ્રેનો રદ્દ કરવામાં આવી છે. જ્યાં તેલંગાણાના મુખ્યમંત્રી એ. રેવંત રેડ્ડીએ માર્યા ગયેલા લોકોના પરિવારજનોને 5 લાખ રૂપિયા વળતરની જાહેરાત કરી છે, જ્યારે દક્ષિણ ફિલ્મ ઉદ્યોગના સ્ટાર્સ પણ મદદ માટે આગળ આવ્યા છે. આ સિવાય અનેક સેલિબ્રિટી અને રાજકારણીઓ આગળ આવ્યા અને પૂર રાહત માટે દાન આપ્યું.

તેલંગાણા અને આંધ્રપ્રદેશમાં આવેલા પૂર બાદ સેલિબ્રિટી અને રાજકારણીઓએ કરી મદદ

પવન કલ્યાણ – 6 કરોડ

પ્રભાસ – 2 કરોડ

જુનિયર એનટીઆર – 1 કરોડ

બાલકૃષ્ણ – 1 કરોડ

મહેશ બાબુ – 1 કરોડ

ચિરંજીવી – 1 કરોડ

અલ્લુ અર્જુન – 1 કરોડ

અંક્કનેની ફેમિલી – 1 કરોડ

રામચરણ – 1 કરોડ

ત્રિવિક્રમ અને ચિન્ના બાબુ – 50 લાખ

વૈજયંતી મૂવીઝ – 45 લાખ

સિદ્ધુ જોનાલગડ્ડા – 30 લાખ

વિશ્વક સેન – 10 લાખ

વેંકી અટલુરી – 10 લાખ

 અનન્યા નાગલ્લા – 5 લાખ