અજય દેવગનની ફિલ્મે રિલીઝ પહેલા જ મચાવી ધૂમ, અધધ કરી કમાણી!

અજય દેવગનની ફિલ્મ સિંઘમ અગેઈનમાં રોહિત શેટ્ટીએ કલાકારોની વિશાળ ફોજ ઉભી કરી છે. આ ફિલ્મ દિવાળીના અવસર પર 1 નવેમ્બરે રિલીઝ થવા જઈ રહી છે. એવું કહેવામાં આવી રહ્યું હતું કે, તેનું ટ્રેલર 3 ઓક્ટોબરે આવી શકે છે. પરંતુ હવે અપડેટ એ છે કે તેમાં 10 દિવસનો સમય લાગી શકે છે.

રોહિત શેટ્ટીએ કરી જોરદાર ડીલ 

પરંતુ આ બધાની વચ્ચે રોહિત શેટ્ટીએ જોરદાર ડીલ કરી છે. આ સાથે તેની ફિલ્મ રિલીઝ પહેલા જ 200 કરોડની કમાણી કરી લેશે. ચાલો તમને જણાવીએ કે આ ડીલ શું છે અને ફિલ્મ આટલા પૈસા કેવી રીતે કમાશે.

રિઝિલ પહેલા ફિલ્મે કરી અધધ કમાણી!

પિંકવિલાના રિપોર્ટ અનુસાર ‘સિંઘમ અગેઇન’એ નોન થિયેટ્રિકલ રાઇટ્સ વેચીને 200 કરોડ રૂપિયાની કમાણી કરી છે. આમાં ત્રણ પ્રકારના અધિકારો સામેલ છે. પ્રથમ સેટેલાઇટ રાઇટ્સ છે. એટલે કે જે ચેનલ પર ફિલ્મ ટીવી પર બતાવવામાં આવશે તે ચેનલને રોહિત શેટ્ટી અને જિયો સ્ટુડિયોને રૂપિયા ચૂકવવા પડશે.

ફિલ્મનું બજેટ છે 250 કરોડ

બીજો ડિજિટલ રાઇટ્સ છે. તેનો અર્થ એ છે કે જે પણ OTT પ્લેટફોર્મ પર ફિલ્મ રિલીઝના 8 અઠવાડિયા પછી રિલીઝ થશે. ત્રીજું મ્યુઝિક રાઇટ્સ છે. એટલે કે રોહિત શેટ્ટીએ તેની ફિલ્મનું મ્યુઝિક પણ કરોડોમાં વેચ્યું છે. આ ત્રણેય રાઇટ્સના મળીને રૂપિયા 200 કરોડ થાય છે. ફિલ્મનું બજેટ 250 કરોડ છે. એટલે કે આ ફિલ્મ હજી રિલીઝ પણ થઈ નથી અને ફિલ્મે તેના બજેટના 80 ટકા વસૂલ કરી લીધા છે.

‘સિંઘમ અગેઇન’ને આટલી મોટી રકમ કેમ મળી?

છેલ્લા કેટલાક વર્ષોમાં આ પહેલીવાર છે જ્યારે એક જ ફિલ્મમાં કેટલાક મોટા નામ જોવા મળશે. અજય દેવગન માત્ર આ ફિલ્મનો ભાગ નથી, દીપિકા પાદુકોણ અને કરીના કપૂર પણ આ ફિલ્મમાં છે. ફિલ્મમાં ટાઈગર શ્રોફ અને રણવીર સિંહ પણ હશે. આ ફિલ્મમાં અક્ષય કુમાર કેમિયો કરવાનો છે. તેણે ‘સ્ત્રી 2’માં કેમિયો કરીને હલચલ મચાવી હતી. ફિલ્મમાં જેકી શ્રોફ અને અર્જુન કપૂર મહત્વની ભૂમિકામાં જોવા મળશે.

સિંઘમ અગેઇન અને ભૂલ ભૂલૈયા 3 એક સાથે થશે રિલીઝ

હાલમાં જ એ વાત સામે આવી છે કે તેની કહાની પણ રામાયણ સાથે સંબંધિત હશે. અર્જુન કપૂરનું પાત્ર રાવણથી પ્રેરિત હશે. આજકાલ આ વિષયમાં ઘણો સ્કોપ છે. બાકીની ફિલ્મ કેવી હશે તે તો 1 નવેમ્બરે ખબર પડશે. કાર્તિક આર્યનની ‘ભૂલ ભૂલૈયા 3’ પણ તે જ દિવસે રિલીઝ થઈ રહી છે. ચાલો જોઈએ કે બન્ને ફિલ્મો વચ્ચેની સ્પર્ધામાં કોણ આગળ આવે છે.