- અજમેરમાં બ્લેકમેલ-રેપ કેસમાં કોર્ટે આરોપીને ફટકારી સજા
- POCSO કોર્ટે 6 આરોપીઓને આજીવન કેદની સજા ફટકારી
- આજીવન કેદની સજા અને રૂ. 30 લાખનો દંડ ફટકાર્યો
અજમેરના બહુચર્ચીત બ્લેકમેલ-રેપ કેસમાં પોક્સો કોર્ટ નંબર 2 એ પોતાનો ચુકાદો આપ્યો છે. કોર્ટે તમામ 6 આરોપીઓને દોષિત ઠેરવ્યા હતા અને તેમને આજીવન કેદની સજા ફટકારી છે.
અજમેરના બહુચર્ચિત બ્લેકમેલ-રેપ કેસમાં પોક્સો કોર્ટ નંબર 2 એ આજે પોતાનો ચુકાદો આપ્યો છે. કોર્ટે તમામ છ આરોપીઓ નફીસ ચિશ્તી, નસીમ ઉર્ફે ટારઝન, ઈકબાલ ભાટી, સલીમ ચિશ્તી, સોહેલ ગની અને સૈયદ ઝમીર હુસૈનને દોષિત ઠેરવ્યા હતા અને તેમને આજીવન કેદની સજા અને રૂ. 30 લાખનો દંડ ફટકાર્યો હતો. તમને જણાવી દઈએ કે આ તમામ આરોપીઓએ 1992માં યુવતીઓને અશ્લીલ ફોટા પાડી બ્લેકમેલ કરીને બળાત્કાર ગુજાર્યો હતો. આ કેસમાં કોર્ટે નવ આરોપીઓને સજા ફટકારી છે.
શું છે સમગ્ર મામલો?
અજમેરમાં 32 વર્ષ પહેલા થયેલા દેશના સૌથી મોટા સેક્સ કાંડના 6 દોષિતોને જિલ્લા અદાલતે આજીવન કેદની સજા સંભળાવી છે. આ સાથે કોર્ટે તેમના પર 5 લાખ રૂપિયાનો દંડ પણ ફટકાર્યો છે. સજા સંભળાવતી વખતે તમામ 6 આરોપીઓ કોર્ટમાં હાજર હતા. એક આરોપી ઈકબાલ ભાટીને દિલ્હીથી એમ્બ્યુલન્સ મારફતે અજમેર લાવવામાં આવ્યો હતો, બાકીના આરોપીઓ પહેલાથી જ કોર્ટમાં હાજર હતા. આ તમામ છ આરોપીઓ સામે 23 જૂન 2001ના રોજ ચાર્જશીટ રજૂ કરવામાં આવી હતી. આ વર્ષે જુલાઈમાં સુનાવણી પૂર્ણ થઈ હતી.
એક આરોપી હજુ ફરાર
તમને જણાવી દઈએ કે આ કેસમાં કુલ 18 આરોપીઓ હતા, જેમાંથી 9ને સજા થઈ ચૂકી છે. આ કેસમાં એક આરોપી હજુ ફરાર છે, જેની સામે રેડ કોર્નર નોટિસ પણ જારી કરવામાં આવી છે.
