Gujarat weather : ગુજરાત પર એક્ટિવ થઈ વરસાદી સિસ્ટમ, ભારેથી અતિભારે વરસાદની આગાહી
ગુજરાતમાં ઓગસ્ટના અંતિમ સપ્તાહ દરમિયાન વરસાદી માહોલ સક્રિય થયો છે. હવામાન વિભાગે 22થી 29 ઓગસ્ટ સુધી રાજ્યમાં વરસાદ રહેવાની આગાહી કરી છે.
આ સમયગાળા દરમિયાન ભારેથી અતિભારે વરસાદને ધ્યાનમાં રાખીને કેટલાક જિલ્લાઓમાં ઓરેન્જ એલર્ટ અને કેટલાકમાં યલો એલર્ટ જાહેર કરવામાં આવ્યા છે.
અમદાવાદ હવામાન કેન્દ્રના ડિરેક્ટર એકે દાસે જણાવ્યું કે ગુજરાત રિજન અને સૌરાષ્ટ્ર-કચ્છ બંનેમાં ભારે વરસાદની શક્યતાઓ છે. સાથે જ આગામી પાંચ દિવસ માટે માછીમારોને દરિયામાં ન જવા ચેતવણી આપવામાં આવી છે.
એલર્ટની વિગતો
ગુજરાત રિજન (સૌરાષ્ટ્ર-કચ્છ સિવાય) માટે ભારેથી અતિભારે વરસાદનું ઓરેન્જ એલર્ટ જાહેર થયું છે.
સૌરાષ્ટ્ર-કચ્છમાં યલો એલર્ટ સાથે છૂટાછવાયા વરસાદની આગાહી છે. 23થી 28 ઓગસ્ટ દરમિયાન અહીં પણ ઓરેન્જ એલર્ટ લાગુ રહેશે.
22થી 26 ઓગસ્ટ સુધી રાજ્યભરમાં થંડરસ્ટોર્મની ચેતવણી આપવામાં આવી છે.
જિલ્લાવાર આગાહી (22 ઓગસ્ટ)
ઓરેન્જ એલર્ટ: અરવલ્લી, મહીસાગર, નવસારી, વલસાડ, દમણ અને દાદરા નગર હવેલી.
ભારે વરસાદનું એલર્ટ: બનાસકાંઠા, પાટણ, મહેસાણા, સાબરકાંઠા, ગાંધીનગર, ખેડા, પંચમહાલ, છોટાઉદેપુર, ડાંગ અને નવસારી.
– સૌરાષ્ટ્ર-કચ્છમાં જામનગર, મોરબી અને કચ્છમાં ભારે વરસાદની શક્યતાઓ.
જિલ્લાવાર આગાહી (23 ઓગસ્ટ)
ઓરેન્જ એલર્ટ: સાબરકાંઠા, નવસારી, વલસાડ, દમણ અને દાદરા નગર હવેલી.
ભારે વરસાદ: બનાસકાંઠા, મહેસાણા, ગાંધીનગર, અરવલ્લી, મહીસાગર, ડાંગ, તાપી અને સુરત.
સૌરાષ્ટ્ર-કચ્છમાં ઓરેન્જ એલર્ટ: જૂનાગઢ, ગીર સોમનાથ અને દીવ.
ભારે વરસાદ: રાજકોટ, પોરબંદર, અમરેલી અને ભાવનગર.
માછીમારો માટે ચેતવણી
22થી 26 ઓગસ્ટ સુધી દરિયો તોફાની રહેવાની સાથે જોરદાર પવન ફૂંકાવાની શક્યતાઓ વ્યક્ત થઈ છે. માછીમારોને આ દિવસોમાં દરિયામાં ન જવાની સલાહ આપવામાં આવી છે.
