બાંગ્લાદેશ અને વેસ્ટ ઈન્ડિઝ વચ્ચેની ત્રણ મેચની T20 સિરીઝ સમાપ્ત થઈ ગઈ છે. બાંગ્લાદેશે આ સિરીઝ 3-0થી જીતીને ઈતિહાસ રચ્યો છે. બાંગ્લાદેશે ત્રીજી T20 મેચમાં વેસ્ટ ઈન્ડિઝને ખરાબ રીતે હરાવ્યું. બાંગ્લાદેશે ટી20 ઈન્ટરનેશનલ ક્રિકેટમાં પ્રથમ વખત આ સિદ્ધિ મેળવી છે.
પ્રથમ વખત 3-0થી જીતી સિરીઝ
વેસ્ટ ઈન્ડિઝ અને બાંગ્લાદેશ વચ્ચે સિરીઝની છેલ્લી T20 મેચ 20 ડિસેમ્બરે રમાઈ હતી. બાંગ્લાદેશે આ મેચ 80 રને જીતીને સિરીઝ 3-0થી જીતી લીધી હતી. આ પ્રથમ વખત છે જ્યારે વેસ્ટ ઈન્ડિઝને બાંગ્લાદેશ દ્વારા તેના જ ઘરે ટી20 સિરીઝમાં 3-0થી હરાવ્યું હોય. આ પહેલા બાંગ્લાદેશની ટીમને વેસ્ટ ઈન્ડિઝમાં હારનો સામનો કરવો પડ્યો હતો.
80 રને જીતી છેલ્લી મેચ
ત્રીજી T20 મેચમાં બાંગ્લાદેશે પ્રથમ બેટિંગ કરતા 20 ઓવરમાં 7 વિકેટ ગુમાવીને 189 રન બનાવ્યા હતા. બાંગ્લાદેશ માટે ઝાકિર અલીએ શાનદાર બેટિંગ કરી અને 41 બોલમાં 72 રનની અણનમ ઇનિંગ રમી. ઝાકિરે પોતાની ઇનિંગ દરમિયાન 6 છગ્ગા અને 3 ચોગ્ગા ફટકાર્યા હતા. આ સિવાય વેસ્ટ ઈન્ડિઝ તરફથી બોલિંગ કરતી વખતે રોમારિયો શેફર્ડે 2 વિકેટ ઝડપી હતી.
190 રનનો પીછો કરતા વેસ્ટ ઈન્ડિઝની આખી ટીમ 16.4 ઓવરમાં માત્ર 109 રનમાં ઓલઆઉટ થઈ ગઈ હતી. વેસ્ટ ઈન્ડિઝ તરફથી રોમારિયો શેફર્ડે સૌથી વધુ 33 રનની ઈનિંગ્સ રમી હતી. બાંગ્લાદેશ તરફથી બોલિંગ કરતી વખતે રિશાદ હુસૈને 4 ઓવરમાં 21 રન આપીને સૌથી વધુ 3 વિકેટ લીધી હતી. આ સિવાય તસ્કીન અહેમદ અને મહેંદી હસને 2-2 વિકેટ લીધી હતી.
ઝાકિર અલી બન્યો પ્લેયર ઓફ ધ મેચ
મેચમાં શાનદાર બેટિંગ કરનાર ઝાકિર અલીને પ્લેયર ઓફ ધ મેચ તરીકે પસંદ કરવામાં આવ્યો હતો. આ સિવાય મહેંદી હસન સિરાજે આખી સિરીઝમાં શાનદાર પ્રદર્શન કર્યું, જેના કારણે તેને પ્લેયર ઓફ ધ સિરીઝ પસંદ કરવામાં આવ્યો.
