દેશના પહેલા CDS જનરલ બિપિન રાવતના મૃત્યુની તપાસ માટે રચાયેલી સંસદીય સમિતિનો રિપોર્ટ સામે આવ્યો છે. રિપોર્ટમાં 8 ડિસેમ્બર, 2021ના રોજ થયેલા Mi-17 V5 હેલિકોપ્ટર દુર્ઘટના માટે ‘માનવ ભૂલ’ને જવાબદાર ઠેરવવામાં આવી છે. આ સૈન્ય હેલિકોપ્ટર તમિલનાડુના કુન્નુર પાસે ક્રેશ થયું હતું. સીડીએસ રાવત અને તેમની પત્ની સહિત હેલિકોપ્ટરમાં હાજર તમામ લોકોએ જીવ ગુમાવ્યા હતા.
સ્થાયી સમિતિએ શેર કર્યો અહેવાલ
મંગળવારે સંસદમાં રજૂ કરાયેલા એક અહેવાલમાં સંરક્ષણ પરની સ્થાયી સમિતિએ 13મી સંરક્ષણ યોજનાના સમયગાળા દરમિયાન ભારતીય વાયુસેનાના વિમાનોને સંડોવતા અકસ્માતોની સંખ્યા પર ડેટા શેર કર્યો છે. રિપોર્ટમાં કહેવામાં આવ્યું છે કે વર્ષ 2017 થી 2022 સુધીમાં કુલ 34 અકસ્માતો થયા છે.
જેમાં 2021-22માં ભારતીય વાયુસેનાના નવ વિમાન અકસ્માતો અને 2018-19માં 11 વિમાન અકસ્માતોનો સમાવેશ થાય છે. રિપોર્ટમાં કહેવામાં આવ્યું છે કે આ તમામ ઘટનાઓ માનવીય ભૂલના કારણે બની છે.
3 વર્ષે રિપોર્ટ આવ્યો
- જનરલ રાવતનું હેલિકોપ્ટર તમિલનાડુના કુન્નુર પાસે એક પહાડ પર ક્રેશ થયું હતું. ત્રણ વર્ષ બાદ સંરક્ષણ અંગેની સ્થાયી સમિતિનો અહેવાલ લોકસભામાં રજૂ કરવામાં આવ્યો છે. આમાં, ઘટનાનું કારણ હ્યુમન એરર (Aircrew) એટલે કે માનવ ભૂલ જણાવવામાં આવ્યું છે.
- આ ઘટનાની તપાસ કરી રહેલી ટીમે શરૂઆતમાં કહ્યું હતું કે ઘાટીમાં હવામાનમાં અણધાર્યા ફેરફારને કારણે વાદળો અંદર પ્રવેશ્યા હતા તે બાદ આ અકસ્માત થયો હતો. જેના કારણે પાયલોટ યોગ્ય લોકેશન શોધી શક્યો ન હતો અને તેનો રસ્તો ખોવાઈ ગયો હતો.
- અકસ્માતનું સંભવિત કારણ નક્કી કરવા માટે તપાસ ટીમે ફ્લાઈટ ડેટા રેકોર્ડર અને કોકપિટ વોઈસ રેકોર્ડરની તપાસ કરી. આ ઉપરાંત ટીમે ઉપલબ્ધ તમામ સાક્ષીઓની પણ પૂછપરછ કરી હતી. જે બાદ સંપૂર્ણ માહિતી રજૂ કરવામાં આવી છે.
ક્યારે થયો અકસ્માત ?
દેશના પ્રથમ CDS વડા જનરલ વિપિન રાવત 8 ડિસેમ્બર 2021ના રોજ તેમની પત્ની મધુલિકા અને અન્ય 12 સશસ્ત્ર દળોના કર્મચારીઓ સાથે તમિલનાડુના કોઈમ્બતુરમાં સુલુર એરફોર્સ બેઝથી ડિફેન્સ સર્વિસ સ્ટાફ કોલેજ, વેલિંગ્ટન જઈ રહ્યા હતા. તેઓ Mi-17 V5 હેલિકોપ્ટરમાં મુસાફરી કરી રહ્યા હતા, લેન્ડિંગ પહેલા હેલિકોપ્ટર પહાડીઓમાં અથડાયું હતું. આ ઘટનામાં હેલિકોપ્ટરમાં સવાર તમામ લોકોના મોત થયા છે.
Mi-17 V5 હેલિકોપ્ટર કેવુ હોય છે?
જનરલ બિપિન રાવત Mi-17V5 હેલિકોપ્ટરમાં સવારી કરી રહ્યા હતા. આ પ્લેનમાં 2 એન્જિન હોય છે જેનો ઉપયોગ સેના દુર્ગમ વિસ્તારમાં જવા માટે કરવામાં આવે છે. જો કે Mi-17V5 એ દુનિયાનું સૌથી એડવાન્સ ટ્રાન્સપોર્ટ હેલિકોપ્ટર છે. જેનો ઉપયોગ સૈન્ય અને શસ્ત્રોના પરિવહન, ફાયર સપોર્ટ, પેટ્રોલિંગ અને શોધ-અને-બચાવ મિશનમાં થાય છે.
Source link
