GST : મોંઘવારીના ચક્કરમાં મધ્યમવર્ગ પીસાયો, પોપર્કોર્નથી લઇને જૂના વાહનો પર વધારો

GST કાઉન્સિલની 55મી બેઠક જેસલમેરમાં શરૂ થઈ છે. આ બેઠકમાં ઘણા નિર્ણયો લેવામાં આવી શકે છે. આ બેઠકની અધ્યક્ષતા કેન્દ્રીય નાણા મંત્રી નિર્મલા સીતારમણ કરી રહ્યા છે. મીડિયા રિપોર્ટ અનુસાર, ઓટોક્લેવ્ડ એરેટેડ કોંક્રિટ (AAC) બ્લોક્સ, જેમાં 50% થી વધુ ફ્લાય એશ હોય છે, તેને HS કોડ 6815 હેઠળ મૂકવામાં આવે છે. આ ફેરફાર બાદ આ બ્લોક્સ પર 18%ની જગ્યાએ 12% GST લાદવામાં આવશે.

પોપકોર્ન ખાવું મોંઘું થઈ જશે

ફોર્ટિફાઇડ ચોખાના કર માળખાને સરળ બનાવતા, કાઉન્સિલે તેના પર 5% GST વસૂલવાનું નક્કી કર્યું છે, પછી ભલે તેનો ઉપયોગ કોઈપણ હેતુ માટે કરવામાં આવે. રેડી ટુ ઈટ પોપકોર્ન પર ટેક્સ રેટને લગતી સંપૂર્ણ વિગતો પણ બહાર આવી છે. સામાન્ય મીઠું અને મસાલા સાથે તૈયાર કરાયેલ પોપકોર્ન, જો પેકેજ્ડ અને લેબલ ન હોય તો, 5% GST લાગશે. જ્યારે જો તે પેકેજ્ડ અને લેબલ થયેલ હોય, તો આ દર 12% હશે. જ્યારે કેરેમેલ જેવી ખાંડમાંથી તૈયાર કરાયેલા પોપકોર્નને “સુગર કન્ફેક્શનરી”ની શ્રેણીમાં રાખવામાં આવ્યા છે અને તેના પર 18% GST લાગશે.

જૂના વાહનો પર જીએસટી દરમાં વધારો

ઇલેક્ટ્રિક વાહનો સહિત જૂના અને વપરાયેલા વાહનોના વેચાણ પર જીએસટી દર 12% થી વધારીને 18% કરવામાં આવ્યો છે. વીમા બાબતો પર નિર્ણય હાલ પૂરતો મુલતવી રાખવામાં આવ્યો છે. ગ્રૂપ ઑફ મિનિસ્ટર્સ (GoM)ની બેઠકમાં આ મુદ્દા પર કોઈ સહમતિ ન હતી, તેથી તેને વધુ તપાસ માટે મોકલવામાં આવી છે.

GST કાઉન્સિલની આ બેઠક ખાસ માનવામાં આવી હતી

GST કાઉન્સિલની આ બેઠક ખાસ માનવામાં આવી હતી કારણ કે આમાં સરકાર ટર્મ લાઈફ ઈન્સ્યોરન્સ, હેલ્થ ઈન્સ્યોરન્સ અને સિનિયર સિટીઝનના હેલ્થ ઈન્સ્યોરન્સના પ્રીમિયમ પર જીએસટીના દરમાં છૂટ આપી શકી હોત, પરંતુ હાલમાં આ બેઠકમાં આ મુદ્દા પર ચર્ચા થઈ રહી નથી. GST કાઉન્સિલ સ્થગિત કરવામાં આવી છે.

મંત્રીઓના જૂથમાં સર્વસંમતિ ન હતી

GST કાઉન્સિલે શનિવારે જીવન અને સ્વાસ્થ્ય વીમા પૉલિસી પ્રીમિયમ પરના ટેક્સ દર ઘટાડવાના નિર્ણયને મોકૂફ રાખ્યો હતો. અધિકારીઓએ આ માહિતી આપી હતી. GST કાઉન્સિલની 55મી બેઠકમાં નિર્ણય લેવામાં આવ્યો હતો કે આ સંબંધમાં કેટલાક વધુ ટેકનિકલ પાસાઓને ઉકેલવાની જરૂર છે. આ અંગે વધુ ચર્ચા કરવા માટે કાર્ય GOMને સોંપવામાં આવ્યું હતું.

કેન્દ્રીય નાણાં પ્રધાન નિર્મલા સીતારમણની અધ્યક્ષતામાં અને રાજ્યોના તેમના સમકક્ષોની હાજરીમાં કાઉન્સિલ દ્વારા આ નિર્ણય લેવામાં આવ્યો હતો. બિહારના નાયબ મુખ્ય પ્રધાન સમ્રાટ ચૌધરીએ જણાવ્યું હતું કે જૂથ, વ્યક્તિગત, વરિષ્ઠ નાગરિક નીતિઓ પર કરવેરા અંગે નિર્ણય લેવા વીમા પર જીઓએમની બીજી બેઠક થશે.