બોલિવૂડ એક્ટર ગોવિંદાને ગોળી વાગવાના સમાચાર સામે આવી રહ્યા છે. જેમાં મળતી માહિતી અનુસાર, અભિનેતાને રિવોલ્વર સાફ કરતાં સમયે ગોળી વાગી હોવાનું સામે આવ્યું છે. આ ઘટના સવારે બની હતી. જે બાદ તેને સારવાર અર્થે હોસ્પિટલમાં લઈ જવામાં આવ્યો છે.
ગોવિંદાએ શાનદાર કોમેડી ફિલ્મો આપી
ગોવિંદા તેના ઉત્તમ અભિનય અને શાનદાર નૃત્ય તેમજ તેના પરફેક્ટ કોમિક ટાઈમિંગ માટે જાણીતા છે. 90ના દાયકામાં ગોવિંદાએ ‘કુલી નંબર 1’થી લઈને ‘હદ કર દી આપને’ જેવી શાનદાર કોમેડી ફિલ્મો આપી છે, જેને જોઈને તમે આજે પણ હસવાનું રોકી શકશો નહીં. ગોવિંદાનો સ્ટાર 80 અને 90ના દાયકામાં તેની ટોચ પર હતો. તેણે શરૂ કરેલી દરેક ફિલ્મ બોક્સ ઓફિસ પર બ્લોકબસ્ટર બની હતી.
ગોવિંદાએ કરિયરમાં 165 થી વધુ ફિલ્મોમાં કામ કર્યું
21 વર્ષની ઉંમરે અજાણ્યા છોકરાએ 22 વર્ષની ઉંમર સુધીમાં 50 ફિલ્મો સાઈન કરી લીધી હતી. મળતી માહિતી મુજબ, ગોવિંદાએ પોતાના ફિલ્મી કરિયરમાં 165 થી વધુ ફિલ્મોમાં કામ કર્યું છે. તેમની પ્રતિભાના આધારે તેમને ઘણા પુરસ્કારો અને સન્માનો પણ આપવામાં આવ્યા છે. ગોવિંદાના પિતા અરુણ કુમાર આહુજા તેમના સમયના પ્રખ્યાત કલાકાર હતા. તેણે 30-40 ફિલ્મોમાં કામ કર્યું હતું. જ્યારે, ગોવિંદાની માતા નિર્મલા દેવી શાસ્ત્રીય ગાયિકા હતી, જે ફિલ્મો માટે ગીતો ગાતી હતી.
ગોવિંદાની પહેલી ફિલ્મ ‘ઇલઝામ’ 1986માં રીલિઝ થઈ
ગોવિંદા કોમર્સમાં ગ્રેજ્યુએટ છે અને એક્ટર બનતા પહેલા તે ઘણી જગ્યાએ નોકરી શોધી રહ્યો હતો. 80ના દાયકામાં તેમને સૌપ્રથમ એલ્વિન નામની કંપનીની જાહેરાત મળી અને ત્યાર બાદ તેઓ ક્યારેય રોકાયા નહીં. વર્ષ 1986માં તેની પહેલી ફિલ્મ ‘ઇલઝામ’ રીલિઝ થઈ હતી અને તે રાતોરાત સુપરસ્ટાર બની ગયો હતો.
આ સુપરહિટ ફિલ્મોમાં જોવા મળ્યો ગોવિંદા
ગોવિંદા તેની સુપરહિટ ફિલ્મો માટે જાણીતો છે. તેણે ‘શોલા ઔર શબનમ’, ‘રાજા ભૈયા’, ‘ચલો ઈશ્ક લડાઈ’, ‘જોરુ કા ગુલામ’, ‘હીરો નંબર 1’, ‘બેટી નંબર 1’, ‘ઘર ઘર કી કહાની’ , ‘રાજા બાબુ’, ‘કુલી નંબર 1’, ‘દીવાના મસ્તાના’, ‘બડે મિયા છોટે મિયા’, ‘સાજન ચલે સસુરાલ’, ‘દુલારા’, ‘દુલ્હે રાજા’ અને ‘હસીના માન જાયેગી’ સહિત ઘણી શાનદાર ફિલ્મો આપી છે.
ગોવિંદાની કુલ નેટ વર્થ
caknowledge દ્વારા મળતી અંહિતી અનુસાર ગોવિંદાની નેટવર્થ 133 કરોડ છે. તમને જાણીને આશ્વર્ય થશે પણ તેની માસિક આવક 1 કરોડથી વધુ છે. જ્યારે એક વર્ષની આવક 10-12 કરોડ જેટલી છે. રિપોર્ટ્સ અનુસાર, ગોવિંદા એક ફિલ્મ માટે 5-6 કરોડ રૂપિયા લે છે. ઉપરાંત ગોવિંદા બ્રાન્ડ એન્ડોર્સમેન્ટ માટે 2 કરોડ રૂપિયા ચાર્જ કરે છે.
અભિનેતા કરોડો રૂપિયાની કમાણી કરે છે
ગોવિંદા આજકાલ ફિલ્મોમાં ભાગ્યે જ જોવા મળે છે. જો કે રિપોર્ટ્સ અનુસાર ગોવિંદા હજુ પણ કરોડો રૂપિયાની કમાણી કરી રહ્યો છે. રિપોર્ટ્સનું માનીએ તો ગોવિંદા એક ફિલ્મ માટે 2 થી 3 કરોડ રૂપિયા ફી લે છે. આ સાથે કલાકારો જાહેરાતો અને અન્ય કામ કરીને વાર્ષિક 10 થી 12 કરોડ રૂપિયા કમાય છે. આ સિવાય તેમના આલીશાન બંગલાની કિંમત અંદાજે 16 કરોડ રૂપિયા આંકવામાં આવી છે. અભિનેતા ફોર્ડ એન્ડેવર અને મિત્સુબિશી લેન્સર સહિત અન્ય ઘણા લક્ઝરી વાહનોનો પણ માલિક છે. મળતી માહિતી મુજબ ગોવિંદાની કુલ સંપત્તિ 170 કરોડ રૂપિયા છે.
ગોવિંદાની મુંબઈમાં કરોડોની સંપત્તિ
ગોવિંદા લક્ઝરી લાઈફ જીવે છે અને તેનો અંદાજ મુંબઈમાં તેનું આલીશાન ઘર જોઈને લગાવી શકાય છે. જો રિપોર્ટ્સનું માનીએ તો અભિનેતા મુંબઈમાં બે વૈભવી અને મોંઘી મિલકત ધરાવે છે. આમાંથી એક જુહુના રુઈયા પાર્કમાં છે જ્યારે બીજો મડ આઈલેન્ડમાં છે. તેમના ઘરની અંદાજિત કિંમત 16 કરોડ રૂપિયા આંકવામાં આવી છે. આ સિવાય તેણે ઘણી રિયલ એસ્ટેટ પ્રોપર્ટીમાં જંગી રોકાણ કર્યું છે.
Source link
