Gujarat Police: 234 PSIની બઢતી સાથે બદલી કરવામાં આવી,જાણો કોને ક્યા મુકાયા

• 234 PSIને PI તરીકે પ્રમોશન આપવામાં આવ્યું
  
• રાજ્યના DGP વિકાસ સહાયે આપ્યો આદેશ
  
• અગાઉ અમદાવાદમાં પોલીસ કર્મીઓની કરાઈ હતી આંતરિક બદલી
  

ગુજરાત પોલીસમાં ફરજ બજાવતા 234 PSIની બઢતી સાથે બદલી કરવામાં આવી છે. રાજ્યના 243 PSIને PI તરીકે બઢતી આપવામાં આવી છે અને તેની સાથે તેમની બદલી પણ કરવામાં આવી છે. PIના પ્રમોશન સાથે પોસ્ટિંગ પણ આપવામાં આવ્યું છે. રાજ્યના DGP વિકાસ સહાયે આ અંગે આદેશ આપ્યો છે. 

અગાઉ બઢતી અને બદલી આપવાનો ખોટો પરિપત્ર સોશિયલ મીડિયામાં વાયરલ થયો હતો

ઉલ્લેખનીય છે કે અગાઉ પીએસઆઈને પીઆઈ તરીકે બઢતી અને બદલી આપવાનો ખોટો પરિપત્ર સોશિયલ મીડિયામાં વાયરલ થયો હતો. જે અંગે રાજ્યના ડીજીપી વિકાસ સહાયે ગઈકાલે સ્પષ્ટતા કરતા કહ્યું હતું કે આવો કોઈ પણ પ્રકારનો પરિપત્ર પોલીસ વિભાગ તરફથી જાહેર કરવામાં આવ્યો નથી.

રાજ્યના ડીજીપીએ કર્યો બદલીનો નિર્દેશ 

ઉલ્લેખનીય છે કે એક જ ઝોન કે જિલ્લામાં નોકરી કરનારા PSI કે PIની તે ઝોન, જિલ્લા કે નજીકના જિલ્લામાં બદલી કરવામાં આવશે નહીં તેવો પરિપત્ર થોડા સમય પહેલા વાયરલ થયો હતો. ત્યારે આજે રાજ્યના 234 પીએસઆઈને બઢતી સાથે બદલી અને પોસ્ટિંગ આપવામાં આવ્યું છે અને જેનો નિર્દેશ રાજ્યના ડીજીપીએ કર્યો છે.