બોલીવુડની ડ્રીમ ગર્લ હેમા ભલે સ્ક્રીનથી દૂર હોય, પરંતુ તે પોતાની પર્સનલ લાઈફને લઈને અવારનવાર ચર્ચામાં રહે છે. એક્ટ્રેસ 16 ઓક્ટોબરે તેનો 76મો જન્મદિવસ ઉજવી રહી છે. હેમા માલિની ખૂબ જ સારી ક્લાસિકલ ડાન્સર છે અને બોલીવુડની ડ્રીમ ગર્લ પણ છે. તમને ડ્રીમ ગર્લના પરિવાર વિશે જણાવી દઈએ.
6 ઓક્ટોબર, 1948ના રોજ તમિલનાડુના અમ્માનકુડીમાં જન્મેલી હેમા માલિનીને કોઈ ઓળખની જરૂર નથી. માત્ર 15 વર્ષની ઉંમરે તેણે તમિલ ફિલ્મ ‘ઈધુ સાથિયમ’થી પોતાના કરિયરની શરૂઆત કરી હતી.
હેમાની માતા જયા ચક્રવર્તી એક ફિલ્મ નિર્માતા હતા, જ્યારે તેમના પિતા વીએસ રામાનુજમ ચક્રવર્તી સરકારી નોકરીમાં કામ કરતા હતા. હેમા માલિનીને બે ભાઈઓ છે, કન્નન અને રગુનાથ ચક્રવર્તી, જેઓ તેમની ખૂબ નજીક છે.
આ રીતે કર્યા લગ્ન
હિન્દી સિનેમાની સૌથી જાણીતી ફિલ્મોમાંથી એક ‘શોલે’ (1975)ના શૂટિંગ દરમિયાન હેમાને એક્ટર ધર્મેન્દ્ર સાથે પ્રેમ થઈ ગયો. તે સમયે ધર્મેન્દ્ર પરિણીત હતા અને 4 બાળકોના પિતા હતા. હિંદુ પરંપરા મુજબ તે હેમા માલિનીને છૂટાછેડા આપ્યા વિના લગ્ન કરી શકે તેમ ન હતા. આવી પરિસ્થિતિમાં બંનેએ ધર્મ બદલીને એકબીજાનો હાથ પકડી લીધો હતો અને ઘણા વિવાદો પછી બંનેએ 21 ઓગસ્ટ, 1979 ના રોજ લગ્ન કર્યા.
હેમા-ધર્મેન્દ્રને બે દીકરીઓ
હેમા-ધર્મેન્દ્રને બે દીકરીઓ ઈશા દેઓલ અને આહાના દેઓલ છે. ફિલ્મોમાં સફળતા ન મેળવી શકનાર ઈશાએ 2012માં બિઝનેસમેન ભરત તખ્તાની સાથે લગ્ન કર્યા હતા. એક્ટ્રેસને બે પુત્રી છે. આ કપલના આ જ વર્ષે છૂટાછેડા થયા છે. જ્યારે આહાનાએ વર્ષ 2014માં વૈભવ વોહરા સાથે લગ્ન કર્યા હતા. કપલને એક પુત્ર અને બે પુત્રી પણ છે. હેમાના પૌત્રનું નામ ડેરિયન વોહરા છે.
Source link
